داگیر کرن
دل ب عەشقا خوە داگیر کر،
بو شاهـ و تانج ل سەرێ خۆ کر،
تشتێ عەجێب،
نە وێ شەڕ کر،
نە من بەڕەڤانیەک ژ خوە کر،
ئەو بی ماڵخوەیا هەر تشتی و
بێ ب و پ، من قەبیل کر
تو نەهاتی
شەڕەنیخا من و خەوێ بوو،
شەڤ تەماشەڤانەک بێدەنگ،
پشتی گەشتەکا دوور،
ڕۆژ ژی جاردی هەلات و
تو، هەڕ نەهاتی.
تویی حوری
تو،
مەزنترین ئاریشەیی،
دناڤبەرا هەیڤێ و جوانیێ دا،
هەیڤ دبێژیت؛
کەرێ منە و
جوانی ژی دبێژیت؛
ژ خێزانا منە.
مەتین وەرمێلی
