بەرهەڤکرن: شیماء ولید رشید
زانکویا جیهان-دهۆک
بەشی پەروەردا گشتی
ئەڤ ڕۆمانا ئەم ل سەر د ئاخڤین ژ نڤیسینا “فەرسەت عومەر”ی یە کۆ قەبارێ وێ ناڤەندیە ب هژمارا 145 لاپەڕان. ئەڤ ڕۆمانە گەلەک یا جودایە ژ ڕۆمانێت دی کو بەهراپتریا وان وەکی ئێکن لێ تشتێ سەرنج ڕاکێش قارەمانێ ڤێ ڕۆمانێ تشتەکێ بێ گیانە ئەو ژی “ئێک دوولارە” لێ دەمێ دناڤ لاپەرێت پەرتووکێ دا بەرزەدبی مرۆڤ هەست پێناکەت قارەمان یێ بێ گیانە، ئێک دوولارا بێ بوها ئەوا بەراوردیا خۆ دکەت دگەل یێت ژ خۆ مەزنتر هەر وەکی مە مرۆڤان، ئەو ئێک دوولارا ژ دەستێ کەسەکی بۆ ئێکی دی هێتە ڤەگوهاستن و دگەل هەر کەسەکی چیرۆکەکا جیاواز و کەتواری یە! تشتێ بۆ من بوویە جهێ داخباربوونێ زیرەکیا نڤیسەری یە شیایە وان هەمی ڕۆیدانان ب شێوازەکێ گەلەکێ جوان پێکڤە گرێدەت. پرسیار ل ڤێرێ ئەوە، ئەز ژڤێ ڕۆمانێ فێری چ بووم؟ ئێک: دوولارێ خۆ دگەل سەد دوولارێ بەراورد دکر ئاها ئەڤە سرۆشتی مە مرۆڤایە هەردەم خۆ بەراورد دکەین دگەل وان کەسێت ژمە بلندتر ئەرێ بۆچی ئەم بوهایی نادەینە خۆ کو خۆ گەل کەسێ بەراورد نەکەین! ئەو چپکا خوینا ب ئێک دوولارێ ڤە ئانکو ئێک شاشی یان ئێک بێ بەختی دشێت بۆ هەتا هەتایێ وەکی بەنیشتی بمینتە بدەهمانا مرۆڤی ڤە هەردەم وەکی خالەکا رەش بیت ب ژیانا مەڤە! هەر کەسەکێ گرنژی کەیف خوش بوو، رامان ئەو نینە ژیانا وی 100٪ یە و چ کێماسی لێ نینن! باش بزانە هەر کەسەکێ گەلەک بکەتە کەنی کەیف خوش بیت ئەوی گەلەک خەمێت دلێ خودا راکرین! (لێ د ڤەشارتینە). چ جاران خوزیا بۆ زڤرینا دەمی بۆ رابردوی نە خازە داکو وان خەلەتیا نەکەی، بەلکو بۆ خۆ بکە وانەیەک دووبارە نەکە، دەم هەر یێ دچیت هەولبدە ب تشتەکێ مفاڤە ب بورینی نەکو ئامیرێت نەفرەتی بۆ کارێت بێ مفا! مرۆڤێت ڤی سەردەمی پتریا وان گەلەک تەمبەلن و گرنگیێ ب دەمی نادەن و دڤێت بگەهنە ئارمانجا خوە ژی. کورتی وەکی مەزن بێژن (کەو ژی دڤێت و خەو ژی دڤێت)، چ جاران چ تشتا ژبەر سیمایێ وان یێ سەرڤە دویف بایێ سەرێ خۆ قەلەم نەدە تۆ نزانی کا چ دناڤەرۆکا وی تشتی دایە! و ل دویماهیکێ هەر وەکی مەزن بێژن (هەر بەرەک ل جهی خۆ یێ ب قەدرە) ئێک دوولارا مە ژیک دووبارە زڤری جهێ خو دا قەدر و بوهایێ خۆ بزڤرینیت!
