رێزان بارزانی بو گۆڤارا پێنگاڤ
پێنگاڤ– رێزان بارزانی کیە و ل کیڤە ژ دایك بویە؟
رێزان بارزانی– ناڤێ من رێزان صالح عبدالله ئەس ل سالا ١٩٨٧ ل وەلاتێ ئیرانێ ژ دایك بویمە،نها ئەس ئاکنجییا گوندێ بازێ مە ل ناحیا بارزان قەزایا مێرگە سور
پێنگاڤ– تۆ وەك ژنەکا بارزانی و ژنەکا کوردپەروەر، خوشترین بیرەوەرییا تە دگەل کوردینیێ چییە؟
-رێزان بارزانی: ئەس ئافرەتەکا کوردم کەلتورێ من کوردییە و دابونەریتێن مە کوردینە، ە ئەس ب کوردی دژیم ئەڤێ چەندێ یا وەل من کری کۆ کلتور و دابوو نەریت ل پێشییا هەر تشتەکی بن، هەروەسا من د ناڤا مالا خوە دا موزەخانەیەکا هەردەم زیندی یا هەی دوێ مازەخانێ دا من چەندین جلوبەرگ و ئامیرێن کلتوری پاراستینە
هەروەسا من بزنزەکا تایبەت ب جلوبەرگێن ئافرەتان ڤە هەیە د وێ بزنزێ دا من شێوازێ رەسەن یێ جلەبەرگێن کوردی پاراستییە،روژانە ئەس رویبری چەندین رەخنەیێن نە شیاو دبم ژلایێ خەلکی ڤە ژبەر کو من ب تەمامی گرنگی دایە کەلتور و ستایلێ کوردەواری یێ جاران
پێنگاڤ- داکینی ل دەڤ رێزان خانێ چ هەستە؟
رێزان بارزانی: داکینی خوشترین هەستە، بینەرێن من د زانن ئەس پەیڤا “دایێ” زور بکاردئینم لێ، ئەس نزانم چەوا ئەڤێ پرسیارێ بەرسڤ بدەم دلێ من یێ پر دبیت، لێ دایك چەندا ماندی و دلگران بیت ب ئێك باوەشا زاروکێ خوە ئەوێ ماندی بونێ هەمیێ ژبیر دکەت.
پێنگاڤ- تۆ وەك دایکەک و کابانیەکا سەرکەفتی، چەند یا گرنگە ژن خوە ڕەوشەنبیر بکەت ژ هەموو لایان ڤە؟
رێزان بارزانی: داکینی و کابانی هەردوو ناڤێن مەزنن، ئەس وەك ژنەکا خودان کار دەمێ بەرەڤ مالا خوە ڤە دهێم ئێك ژ خێزانا من داخازییەك هەبیت ئێکسەر ئەس ماندوو بونا خوە ددەمە لایەکی ژبەر کو چاڤێ مال هەمووێ یێ ل کابانیێ، بەداخەوە ئەس گەلەك کابانیا دبینم جوانترین قاپ و قاچاخ دێ بو مێڤانێ خوە ئیننەدەر لێ ژبۆ خێزانا خوە گەلەك ب سادەی دێ سفرێ رازینن، ئەڤ چەندە یا بدلێ من نینە چونکی مێڤان دێهێت و چیت لێ ئەوێن هەردەم دگەل مە دمینن زارویێن مە و خێزانا مەنە
پێنگاڤ- ب دیتنا تە هەبونا باوەرنامێ مەرجە هەتا کۆ ژن یا رەوشەنبیر بیت؟
رێزان بارزانی: ب دیتنا من مەرج نینە ژبەر کۆ دەمێ دایکا من وەغەرا دوماهیێ کری ژیێ من ١٤ یان ١٥ سال بوو ئە تەمەنە هەستیار ترین قوناغن د ژیانا هەر کچەکێ دا ئەس توشی نەخوشیێن دەرونی بووم ئێدی ئەس نەچار بووم دەستا ژ خواندن و باوەرناما بەردەم، لێ پاشی ئەس رابومە سەر پێن خوە و دیسا ل دووڤ رامانا ژیانێ گەرییام، هەر د ئەنجامێ ڤان نەخوشیان دا نها من سێ پەرتووکێن چاپکری یێن هەین
پێنگاڤ- رێزان خان چ تشتی دبینیت ژێدەرێ هێزێ ل دەڤ ئافرەتێ؟
رێزان بارزانی: باوەری بخۆ بوون و پاڵپشتیا ماڵباتێ، گوھنەدان ب قسەو قەسەلوکێت دەوروبەرێ، ژێدەرێ ھێزێ نە بۆ ئـافرەتێ
پێنگاڤ- رێزان خان و کاک ڕێبوار خێزانەکا گەلەك د خوشتڤی و جهێ رێزێ نە ل دەڤەرێ، ئەرێ نەهێنیا ئەڤێ چەندێ د چدایە؟
رێزان بارزانی: خوەزی ئەڤ پرسە تە ل دەورونەر و ئەزیز و کارمەندێن مە کربایە،لێ ژ دل ژی دبێژم ئەس و هەڤژینێ خوە دوو کەسێن زور نشتیمان پەروەرین، مە جوانیا کەلتورێ کوردی د ناڤ مالا خوە دا پاراستیە هەر ژبەر ڤێ چەندێ ژی خەلکەکی زور کەیفبمە دهێت، مە چەندین چاڤپێکەفتن دگەل روژنامە یێن بیانی ئەنجام داینە دەربارەی ئەڤێ چەندێ
پێنگاڤ- رێزان خان ب رێکا گوڤارا مە چ پەیڤ پێشکێشی کاک ڕێبواری دکەت؟
رێزان بارزانی: ئەڤە زوڕا ب زەحمەتە لێ ئەس و رێبوار پێش هاوسەر بین ئەم هاوڕێ بووین و نوکەش پێش هاسەر ئەم هاوڕێی نە، من دڤێت بێژمێ “سوپاس کوتە ل روژێن سەخت و دوژوار دەستێ من بەر نەدای سوپاس کۆ تۆ هاوسەرەکێ باشی سوپاس کۆ تۆ بابەکێ باش و دلوڤانی بۆ زاروکێن من، سوپاس بۆ خودێ تۆ ئینایە د رێکا من دا”.
پێنگاڤ- سوپاسی و لێبورین دوو ڕەفتارێن خودان دلێن مەزنن، ئەرێ تۆ ب رێکا گوڤارا مە سوپاسیا کێ دکەی، و لێبورینێ ژ کێ دخازی
رێزان بارزانی: ئەس سوپاسیا وان کەسا دکەم ئەڤێن کۆ روژەکێ بەوڵدای من بروخینن ئەڤێن کۆ بوختان ل من کرین ئەڤێن کۆ برێکا سوشیال میدییایێ قسەییێن نەشیاو گوتینە من هەوڵداین من ل کار و ئارمانجێنمن دویر بێخن لێ وان نەزانی ئەو رەفتار و کریارێن وان دێ بنە پێژە و دێ پتر پێ نێزیکی ئارمانجێن خوە بم
ئەس د سروشتێ خوە دا کەسەکا گەلەك رژدم ل سەر حەقیێ لێ ئەس نەل وێ باوەرێ مە من دلێ کەسێ ژ خوە هێلا بیت،لێ ئەگەر دلێ کەسەکی ژمن مابیت و ئەس پێ ئاگادار نەبم هنگی ئەس ژدل داخازا لێ بورینێ دکەم و پشت راستم ژی خەلەت تێگەهشتنەك یا هەی
