بێهنا گۆلا سۆر

مەهدی گلی

بێهنا گۆلا سۆر 

‎وەك بیهنا ئاخێ پشتی بارانێ
‎ئەوێ هەمی جەستەیێ من یێ داگیركری
‎ بو چركەیەكێ دیار نەما جوانپەری
‎خودانا گولاڤخۆشا هەر دەمی
‎ل پشت پەیسكێن ئەشقێ
‎ ل وێ رۆژا رەش و تاری
‎هەناسەكا بێدەنگ ئەز ئارام كرم
‎ل ڤێرە د پەنجەرا بالكونێدا هێشتا رۆنشتیمە
‎خیال بەردایی وێنا دکيشم هێش ب هیڤیمە
‎روبروی خەمێن خۆ دبم بتنێ وەخت بورینە
‎ یادگاریێن من وەكو بەلاتینكا دهێن ودچن
‎بۆچی بەردەوام ب ڤی رەنگینە
‎وێنەیەكێ پێكڤەیە
‎وێنێن دێتی و نەدیتینە
‎ب خیالا خۆ دكویسینمە سەر جهێ نڤستنێ
‎پێكڤە دێ نڤین د ئێك نڤینە
‎ژ گزڤە دەرگەه دهێت قوتان
‎هێش دلێ ب ئەشقێ نە پەیڤینە
‎خودێ ئەڤە چ ئێغبالە؟
‎سەد پسیار خۆ ل مێشكێ رەبەن دا
‎ئەڤە چ دەمە و چەند دەم بورینە
‎لێ من زانی دەم نە رابوری و نە پێشەرۆژا
‎من و وێنە
‎بتنێ مێشك وجەستەیەكە
‎پڕ یادگاریێن دووباڕە كرینە
‎هێدێ هێدی
‎وەكو گولا سۆر وبێ ئاڤ
‎خۆ دچرمسینە
‎بێهنا خۆ ڤەدرەڤینە