ئالاء یزدین
ئەندازیار و راوێژکارا پەروەردەیی
7 رێک بو کێمکرنا دەمێت تەماشەکرنا شاشێن ئەلکترونی لدەف زاروکان.
1. قەدەغەکرنا شاشێن ئەلکترونی لوەرزێ خاندنێ ژبلی روژا بێهنڤەدانان.
2. لدەمێ هاڤین یان بو زاروکێن لمال دڤێت زاروکی خشتە هەبیت.
3. دەمێ شاشێن ئەلکترونی رامانا هندێ نادەت زاروک یێب تنێ بیت.
4. کێمکرنا بکارئینانا ئامیران بەری نڤستنێ بو هەمی ئەندامێن خێزانێ.
5. رێکێ نەدە زاروکی موبایلێ بکاربینیت لژییەکێ بچیک.
6. دەمێن قەدەغەكرنا شاشێن ئەلكترونی.
7. چافدێریا زاروکی بشێوەکێ ئاشکەرایی.
رونکرن
تەماشەکرنا زاروکان بو شاشێن ئەلکترونی خراپترین تشتە لسەر زاروکی کو دڤێت خێزان یا هشیاربیت، بتایبەتی کو زاروک دشیاندایە نەک بتنێ تەماشەی تەلەفزونێ بکەت لهولێ بەلکو لسەر کومپیوتەری د ژورا خوڤە و دشێت تەماشەی فلمەکی بکەت و ئێک جاری پشتی خاندنا ئونلاین.
1 ئەڤ یاسایە دێ تە رزگار کەت ژ پسیارا بەردەوام لسەر دەمێ بکارئینانا شاشان چونکی زاروک دزانیت بتنێ ل دوماهییا حەفتیێ وی دەلیڤە یا هەی. ئەڤەژی لدەمێ پێتڤینەبونا وی بو شاشان دخاندنێ دا.
2 خشتەکی بو زاروکی بدانە لسەر وان کارێن پێتڤییە ئەنجام بدەت وەک: لێکدانا ژورا نڤستنی، ئەنجامدانا کارەکێ مال، وەرزش. خاندنا پەرتوکەکێ، دەمژمێرەکا یارێن ژدەرڤە.
3 ئەگەر زاروک یێب تنێ بیت بلا دەم کێمتر بیت بو کێمکرنا کارتێکرنێ لسەر زاروکی. بەلێ پێکولێ بکە ئەگەر زاروک تەماشەی فلم کاروتونا بکەت دگەل برینی و تەماشەکەی. لجهێ تو دەمی بو دەستنیشان بکەی بێی کو بزانیت بوچی یان بەری بدوماهیک هاتنا دەمی دیارکری دگەل بی، و بو دیارکە کو دەمێ چالاکیەکا دییە.
4 ڤەکولین دیاردکەن کو شاشان کارتێکرنەکا نێگەتڤ هەیە لسەر خەوێ، چونکی روناهییا شینا دەردکەڤیت ژ بەرنامێن ئەلکترونی مێشکێ زاروک چالاک دهێلن بو دەمەکێ درێژ لەورا خەوا وی زی ناهێت. روتینەکی بو زاروکی درست کە کو شاشە نەبن بەری دەمێ خەوێ وەک خاندن یان هندەک یاریێن سڤک کو هاریکارییا خەوێ دکەن.
5 ڤەکولین دیاردکەن کو ئاریشا ئالودەبون (ئیدمان) هەر زی دیاردبیت لدەف زاروکان ژ بکارئینا موبایلا و نیشانێن وان تێکچونا خەوێ و نەنڤستن و وەستییان، و بوراندنا دەمەکێ درێژ بەرامبەر شاشێ دبیتە ئەگەرێ لاوازکرنا چاڤی، ژ نیشانا سوتن و خوریان و وەسیانا چاڤان.
6 زاروکێ خو فێرکه رێزگرتنا دەمێ خارنا خێزانی، یان جهێن گشتی ، یان کومبونا هەڤالان، شاشێن ئەلكترونی بتمامی ژێ قەدەغه بکه، و بو زاروکی دیاربکه کو ئەڤ دەمه بتنێ یێ کومبونێن گشتیه، یا کو دڤێت رێزێ لێبگرین، و هەروه نەبەت بتنێ ب دیتنا شاشێن ئەلکترونی.
7 دەمەکی دیاربکه بو دیتنا خێزانی و زاروك بزانیت رەفتاراته بو دیتنا موبایلێ یا بکاردئینیت یا پێتفی چافدێریێ یه ژته، داکو توشی چ بابەتێن نەجوان نەبیت ، بەلێ ڤێ چەندێ بدزی فه نەکەی، پێتڤیه زاروکێ ته فێربیت کو چافدێریاته بو فێ چەندێ مافێ تەیه، و ئەڤ چەنده نا بیته سیخوری (تجسس)، بەلکو پاراستنا ویه.
