مووسا خالد
دەربازبوونا “۱۲۷” سالان سەر ئێكەم ڕۆژنامەیا كوردی، ل سالا “۱٨۹٨” ئێکەم ڕۆژنامەیا کوردی ب ناڤێ ڕۆژناما (كوردستان) ژلایێ “میقداد مەدحەت بەدرخانیڤە” ل قاهیرە پایتەختێ مێسری هاتە بەلاڤکرن.
ئەڤ ڕۆژنامە كوردستان ب زاراڤێ كرمانجیا سەری، ب تایبەت ئاخفتنا شێوازێ ناوچەیێن جەزیرە و بۆتان هاتبوو بەلاڤکرن هەروەسا ئەڤ ڕۆژنامە نزیکی دوو حەفتیان جارەکێ یان درەنگیتر دهاتە بەلافکرن .
ڕۆژناما كوردستان هەتا دەرکەتنا ژمارا پێنجێ “میقداد مەدحەت بەدرخان” سەرنڤێسەرێ وێ بوو، پاشێ لدویڤدا دەرکەتنا ژمارەێن دی ێن ڕۆژنامێ “عەبدولڕەحمان بەدرخانی” برایێ وی ئەڤ ئەركە وەرگرت بەردەوامێ پێدا.
ڕۆژنا كوردستان بگشتی “٣١” ژمارە ژێ دەرچوون، ژمارا ئیکێ هەتا پێنجێ ل قاهیرە، ژمارە شەش تا “۱۹” ل جنێڤ، ژ ۲۰ هەتا ۲۳ دیسان ل قاهیرە دەرچوو. هەروەسا ژمارە “۲٤” ل لـەندەن، ژمارە ۲٥ هەتا ۲۹ ل ڤۆڵكستۆن، ژمارە ۳۰ و ۳۱ ل جنێڤ دەرچوون.
پشتی ژمارا ڕۆژنامە ل ۱٤ ی نیسانا سالا ۱۹۰۲ بەلاڤبووی. ناڤەڕاستا سالێن شێستا ژ سەدەیا بوریدا، چەند ژمارەیەکێن ڕۆژنامێ ژ لایەن “د-مارف خەزنەدارە” هاتنە دیتن و چاپکرن. بەری هینگێ هەموو ژمارەێن ڕۆژنامێ، بتنێ ژمارە ۱۹ تا نوکە نەهاتیە دیتن.
ڕۆژنامەیا كوردستان ڕۆلەکێ گرنگ ب خۆڤە دیت ژ بو داكۆكیكرن و بەرزکرنا و گەشەكردنا هەستی نەتەوایەتی و خەباتكرن بۆ ب دەستڤەئینانا مافێن گەلێ كورد.
ئەڤ ڕۆژا ڕۆژنامەگەریێ پیرۆزبێت ل ڕۆژنامەڤانێن جیهانێ بگشتی و کوردستانێ بەتایبەتی، ڕۆژنامەڤانێن کوردستانێ بوونە پرەك بۆ گەهاندنا ڕاستیان و دروستکرنا پەیوەندیێن مەدەنی ناڤبەرا جڤاك و حکومەتێدا، هەروەسا زۆر ب بوێرەکی و گشتی د کاروانێن ژیانێدا شیانە ڕۆلەکێ برچاڤبگێڕن د گەهاندنا دەنگ و رەنگ و دیمەنێن جیاواز ێن جڤاکی بتایبەتی د ڕوماڵکرنێدا ل سەنگەرێن پێشیێ نە بۆ بەرگریکرنا ژ ئاخا کوردستانێ.
