پێنگاڤ – دهۆک-٢٣/٤/٢٠٢٥
لبن دروشمێ پێنگاڤ وێستگەهەکە بۆ هەر کوردەکی، بهەڤکاریا ناڤەندا خانی ل دهوک سمینارەک بۆ دانە نیاسینا گوڤارا پێنگاڤ هات ئەنجامدان لجێ ناڤکری. سمینار هات پێشکەشکرن ژ لایێ سەرنڤێسەرێ گوڤارێ (ئارام دهوکی) ڤە. بابەت بسێ تەوەران هات شروڤەکرن، ل پێشیێ رەوشا کوردان و گەهشتنا وان بۆ کەنەدا و دیڤدا چەوانی و بۆچی پێنگاڤ هات وەشاندن و چەوان ژ دوو بەرپەرا بۆ ٤٨ لاپەرە و چەوان دەڤوکێن کوردی هەموو بهەردوو دەڤوکان بخوڤە گرتن و چەوان پەنا بر بۆ زێدەکرنا زمانێ عەرەبی و چاینی. دیساڤە روشنای خستە سەر کا چەوان گەهشت قوناغا بوونا سایتەک روژانە مژار و نووچەیان د وەشینە. دیساڤە هات ئامەژەکرن رولێ گروپێ پێنگاڤ کو هەتا ئەڤرو خوبەخشانە کاردکەن.
لدیماهیێ بابەتێ پرس و بەرسڤان ڤەبوو، زێدەتر ژ ١٠ پرسان هاتن ئارستەکرن و پرانیا پرسان د سووبەخش بوون و هنەک ژ وان پيشنیار بوون. بگشتی سمینارێ بۆ ماوەی ٤٠ دەقیقان ڤەکێشا کو پتری ٣٥ کەسان ئامادەببون ژ روشنبیر و نڤێسەرا کو هنەک ژ وان ژ ناڤەندا خانی بوون مینا بەرێز احسان ئامێدی و کاک مصدق توڤی و روشنبیر عزت ئێمینکی سەرپەرشتیا سمینارێ دگێرا. هەروەسا ژ گروپێ پێنگاڤ هنەک نڤێسەر و ستاف ئامدەببوون ژ وانا بەرێز شیرزاد نایف و سیلاف بازێرکی. لدیماهیێ پێشکەشکاری سوپاسیا ئامدەبوویان کر و سمینار بدیماهی هات.
