ماموستا سیپان مەسعود
وەرگێڕان بریتییە ژ پەیوەندییان، ڕامانا دەستەواژەیێ (زمانێ ژێدەر – Sourse language) (SL) ئەڤ دەستەواژەیە بۆ وی زمانی دهێتە گۆتن ئەڤێ ئەم وەرگێڕین بۆ زمانێ ئارمانج، دەستەواژەیا دن (زمانێ ئارمانج – Target language) (TL) ئەڤ دەستەواژەیە بۆ وی زمانی دهێتە گۆتن ئەڤێ ئەم وەرگێڕین بۆ زمانێ ئارمانج. بۆ نموونە پەیڤا (Freedom) وەرگێڕین بو کوردی دێ بیتە (ئازادی) ل ڤێرێ زمانێ ژێدەر English و زمانێ ئارمانج Kurdish.
زمانێ ئنگلیزی جیاوازییا زاراڤی دکێشیت (کو د هەمی زماناندا نینە) د ناڤبەرا وەرگێڕانا (دەستەواژەیەکا نڤیسای) و لێکدانا (پەیوەندییا دەمی یان دەستنیشانکری د ناڤبەرا بکارهێنەرێن زمانێن جیاوازدا) ل ژێر ڤێ ڤەقەتیانێدا، وەرگێڕان ب تنێ پشتی دەرکەڤتنا نڤیسینێ د ناڤ کۆمەلگەهەکا زمانیدا دەستپێدکەت.
وەرگێران سێ جۆرن:
جۆرێ ئێکێ: (Formal – فەرمی) ئەڤ جۆرە ب چ شێوان گوهۆڕین تێدا دروست نابیت, نە ژ لایێ ڕامانێڤە نە ژ لایێ نڤیسینێڤە ئانکو ئەم دشێین بێژین ب زمانێ ژێدەر (SL) بۆ زمانێ ئارمانج (TL) ب هەمان رامانا ڕستێ. هندەك نموونە:
- There is a fire in my heart. (ئاگر د دلێ مندا یە)
- Frozen with fear. (ژ ترسا هشك بوو)
- You have great taste in clothes. (تو بۆ جلکان ب زەوقی)
- There is no smoke without fire. (چ دویکێل بێئاگر نینن)
- What is past is past. (تشتێ چووی چوو)
جۆرێ دوویێ: (Functional – فەرمانا چالاک) ئەڤ جۆرە ل دەمێ وەردگێڕی پێدڤییە کولتوورێ وی زمانی باش بزانی هەتا ب باشێ وەرگێڕی, ئەڤ جۆرە گوهۆڕین د ڕامانێدا ناهێتە کرن بەلێ د نڤیسینێدا دهێتە کرن بۆ نموونە :
- A cat of nine souls. پشیکا حەفت ڕح = پشیکا نەهـ ڕح
– The day after tomorrow.دووسوبا = ڕۆژا پشتی سوباهی
- Like mother, like daughter. کچ تەشییا دایێ دڕێسیت = وەکی دایکێ، وەکی کچێ
جۆرێ سێیێ: (Ideational – هزری) ئەڤ جۆرێ وەرگێڕانێ ب تەمامی پەستانا خوە دانیتە سەر کولتوورێ هەر دوو زمانان, زمانێ ژێدەر (SL) و زمانێ ئارمانج (TL) ژ لایێ نڤیسینێڤە ب تەمامی دهێتە گوهۆڕین و ڕامانا وێ ژی ب تەمامی جودایە. بەلێ بیرۆکەیا وێ (مفهوم) هەمان بیرۆکەیە.
- Romeo and Juliet. مەم و زین = ڕۆمیو و جولێت
- All roads lead to Rome. هەمی ڕێ دچنە ئاشی = هەمی ڕێ دچنە ڕۆمێ
- He is always drunk.ئەو هەردەم سەرخوەشە = ئەو هەردەم ڤەخارییە.
