ناجح بێجانی
بەلاڤبوونا ماددەیێن هۆشبەر دڤان چەند سالیێن بۆری دا، کو ب رێیا توخیبێن دەولەتێن هەڤسوزیێن مە دهێنە دناڤ ئیراقێ وکوردستانێ دا ب رێکێن قەچاغ و، یانژی ب هاریکارییا کەسێێن بالە دەست ورۆژ ب رۆژ بەرەف زێدەبوونێ یە، ئەوا ئەڤرۆکە ئەم دبن یا ب پلان وبەرنامەیە و دێ زیانێن خۆ ژی هەبن، بەلکو یا نوی یە ل دەڤەریێن مە و هەگەر بەری نوکە هەبتن ژی ڕێژا وێ کێمتربوو، هۆسا یا بەربەلاڤ نە بوو، ژ کەڤندا لسەرانسەری جیهانێ خەلک ب گشتی ب ئەڤێ ئێشا کوژەک دنالن و بوویە بارگرانیەک ل سەر دامو دزگەهێن فەرمی یێن حکومەتێن وان وەلاتان و پێدڤیا وان ب دەزگەهەکی هەیە بۆ دیڤچوون بەرهنگارییا وان باندو تۆرێن مەزن یێن کو قەچاغیێ ب ماددەیێن هۆشبەر دکن وگەلەک جاران بوونە سەرئێشی و ئالۆزی پەیدا بوونە، لەومانێ پێدڤیا وان ب کارەک بەردەوامە ودیسان جهێن پێدڤی بۆ چارەسەرییا ئەو کەسێن تووش دبن ل ژێر چاڤدیریا کەسێن تایبەتمەندو شارەزا، ئەڤەژی یا بێ هوکار نینە، ژبەرکو ئەو دەڤەرەو وەلاتێن خەلکێن وێ پتر ڕێژا هەژاریێ لێ و بێ شۆل تووش دبن ب تایبەت ئەڤا نوکەل دەڤەریێن مە پەیدابووی کودبت هوکارەک بتن وخەلکانێک هەبن بازرگانێێ ب کرین و فروتنێ دکن و قازانج بۆ بدەستڤەئینانا مەبلەغەکێ پارەی و بۆ وان ئاریشە نینە جڤاک بەرەف هەلوەشاندنێ ب بن، ب تنێ چاڤێ وان یێ ل بەرژەوەندییا وان، چێدبیت هندەک لایەیین دەرەکی ژی هەبن کاری لسەر دکن بۆ هەلوەشاندنا جڤاکی کوردی وئەویێن کو ب سالانە نەدشیا هەستا نەتەوەیی وخۆڕاگڕیا کوردا ژناڤ ببن، ئەڤرۆ ب رێکا ڤان ماددەیێن هۆشبەر کو دشێن ب ساناهی کارتێکرن و باندۆر ل سەر تاکێ کورد بکن و ڤەدتینا چارەسەری ب زەحمەت دبت و ئەو کەسێن فێردبن وئالوودەبوون ب ڤان ماددەیێن هۆشبەر و ساناهی نەشێن ژێ دوورکەڤن و دەستا ژێ بەردەن، ئەڤێ ژێ وەختەک دڕێژ پێ دڤیت وب رێکێن کەسێن شارەزاو وتایبەتمەند دبن چاڤدیریا وان دا بن بۆ چارەسەریێ ژبەر کو ئەو کەسێن تووش بووی دێ هەول دەت ب چ رەنگ بت وگەلەک جاران دزی وکوشتن نابن ڕێگڕ ئەڤە دبن ئاریشە بۆ جڤاکی بەرەف هەرفاندنێ ڤەببن و ب گەهت وێ ڕادەیێ هزرو هەول دانا خۆکوشتنێ بکن ب هەر رەنگەکی بتن دڤێتن دەستێ وی بگەهتیێ هزر دکن تشتەک ژ لەشێ وان یێ کێمە ودڤێتن پەیدا بکن ب کاربینن وەسا هزر دکن وەزعێ وان یێ دەروونێ دێ باشتر بتن لێ ئەڤە بەروڤاژی یە، ژبەرهندێ ئەم دێ بەحسێ ل تاکێ کوردکەن نە دوورە دۆژمنێن مە ژی دەست تێدا هەبت لدویف دارشتنا پلان و بەرنامەکی و ب مەرەما هندێ کچ وکوڕ یێن مە تووش بن و داکو ڤیان بۆ ئاخ ووەلاتی و چ هەستا نەتەوەیی ل دەف لاواز بکن پتر کاری ل سەر بکن و مژوویلی ئەڤان ماددەییێن هۆشبەر بکن و ب ساناهی هەر تشتەکی ژ دەست بدەن بکەڤن دبن باندۆرا وان داکو جڤاکەکی هەلوەشایی تژی ئارێشێن کومەلایەتی ب بن و ژ ناف چوونا دابونەریتان وخەتەرو مەترسیەکا مەزنە ولدویف وئەوان وئاماراو ژمارەیێن ژ لایێ رێڤەبەریێن نەهێلانا ماددەیێن هۆشبەر یێن ئیراقێ وکوردستانێ کو بەلاڤ بوون سال ب سالێ بەرەف زێدەبوونێ یەهەم ئەویێن ب کاردئینن وبازرگانییێ ژی پێ دکن ئامارەیێن دلخۆشکەر نین و پاشەرۆژێ دێ بنە جهێ مەترسییێ ل سەر کۆمەلگەهێ و هەگەر پێنگاڤێن ب لەز نەبن چارەسەری دێ ب زەحمەت بن
