زوهێر كوره‌ماركی
دایك و باب ئه‌و مرۆڤن ئه‌وێن نه‌چ هزر نه‌چ پێنڤێس دكارن وه‌سفا وان بكه‌ن؟ ئه‌گه‌ر تو ئاڤا ده‌ریایێ بكه‌یه حبرێ پێنڤیسی، هزرمه‌ند و بیرمه‌نده‌كێ مه‌زنێ جیهانێ بهێت و پێ وه‌سفا وان بكه‌ت، دێ ئه‌و ئاڤ و هزر به‌رامبه‌ر ڤان هه‌ردوو كائینێن مه‌زن هشك بن و نه‌شێن وانا پێناسه بكه‌ن! ئه‌ڤه هوین چه‌ند مرۆڤێن مه‌زنن و چه‌ند د قوربانیده‌رن؟ هه‌می خه‌م و ژانێن وان زارۆكێن وان، هه‌می تشتان لسه‌ر خۆ قه‌بویل دكه‌ن دا ئه‌و سه‌رفراز و ئازادو جوان بژین، هند گوه ناده‌نه ژیانا خۆ هندی گوهێ وان و چاڤێ وان یێ ل ژیانا زارۆكێن وان، زارۆك چه‌ندێ مه‌زن بیت د چاڤێن دایك و بابان دا هه‌ر زارۆكه و هه‌ر هه‌می تشت بۆ وی دڤێن گه‌لی زارۆكا هوین پێداچوونه‌كا د خۆدا بكه‌ن و دیتن و ره‌فتارێن خۆ دگه‌ل دایك و بابێن خۆ بگوهۆڕن، هه‌كه هه‌وه حه‌تا نوكه نه گۆهاڕت بن. دایك و باب نیعمه‌تن د مالێ تایبه‌ت ئه‌گه‌ر دسه‌ره‌بن خودێ ژبه‌ر وان كه‌ره‌مێ د وێ مالێ دا دكه‌ت، له‌وما هه‌وه ئه‌مانه‌ت و سه‌د ئه‌مانه‌ت دایك و باب خۆ، هه‌كه دێ په‌شێمان بن وی وه‌ختی په‌شێمانی فایده ناكه‌ت. به‌رێ خۆ بده‌نێ چاوا دایك و باب حه‌ز ژ مرۆڤی دكه‌ن و هه‌ر ئێك برێكا خۆ چه‌ندێ بۆ مرۆڤی دكه‌ن؟
ئه‌وا حه‌ز ژته دكه‌ت ل وی ده‌مێ تو چاڤێن خۆ ڤه‌دكه‌ی ژنوی ژدایكدبی.
دایكا ته‌یه، یێ حه‌ز ژته دكه‌ت بێی كو د چاڤێن وی دا دیار بكه‌ت بابێ ته‌یه،دایك ته پێشكێشی جیهانێ دكه‌ت، باب بزاڤان دكه‌ت جێهانێ پێشكێشی ته بكه‌ت.
دایك ژیانێ دده‌ته ته، و باب نیشا ته دده‌ت دێ چاوا د ژیانێ دا ژی، دایك نه‌ه هه‌یڤان ته د زكێ خۆ دا هه‌لدگریت و ته ب خودان دكه‌ت، باب هه‌می ژیانا خۆ ته هه‌لدگریت، دایك دكه‌ته گری ده‌می تو نه‌ساخ دبی، باب نه‌ساخ دبیت ده‌مێ تو دكه‌یه گری، دایك خۆ پشتراست دكه‌ت كو تو نه‌یێ برسیی، باب كار و لێگه‌ریانێ دكه‌ت كو تو برسی نه‌بی، دایك ته ل به‌ر سینگێ خۆ هه‌لدگریت.
باب ته ل سه‌ر پشتا خۆ هه‌لدگریت، دایكا ته كانیا دلۆڤانیێ یه، باب بیرا تێگه‌هشتنێ سه‌ربۆرایه و ستوونا مالێ یه ،دایك به‌رپرسیاریا ته هه‌لدگریت، باب به‌رپرساتیێ د ناخێ ته دا دچینیت. دایك ته دپارێزیت ژ كه‌فتنێ
باب ته فێر دكه‌ت دێ چاوا رابیه ڤه پشتی كه‌فتنێ؟.
تو ڤیانا دایكێ دزانی ژ رۆژابوونا ته، تو ڤیانا بابێ دزانی ده‌مێ تو دبیه باب، بهایێ دایكێ ناهێته دیاركرن ب چ تشتان، باب ناهێته دوباره‌كرن د چ چه‌رخان دا. نه‌دایك نه‌باب دوباره دبن گه‌ر چوون چوون هشیار بن.
(( ربی ارحمهما كما ربیانی صغیر))
