چالاکڤان: مووسا خالد، دهوك
هەر مللەتەکێ جیهانێ دا ب زمان و کەلتورو ئاخ و نیشتمانێ خۆە دهێتە ناسکرن،زمانێ کوردی کێم نەتەوا هندی نەتەوەیێ کورد لسەر بکارئینانا زمانێ دایکێ کارەسات و زورداری دیتیە. ب هەزاران کورد ل سەدێ بیستێ لسەر کوردبوون و بکارئینانا زمانێ کوردی هاتینە جینۆسایدکرن و دەهان هەزار کیلۆمەترێن چوارگوشە ژ ئاخا کوردستانێ ژ زمانێ کوردی هاتیەڤالاکرن و پرۆسا تورککرن عەرەبکرن، عەجەمکرن و فارسکرن تێدا هاتیە ئەنجامدان.
نها ژی بەردەوامە، ل ١٥ی گولانا سالا ١٩٣٢، ل پایتەختێ سۆریێ (شامێ) ژ لایێ (میر جەلادەت بەدرخان) ڤە، بۆ ئێکەم جار گۆڤارا هەوار دهێتە چاپکرن، گۆڤارا هەوار، ٢٣ هەژمارێن دەستپێکێ ب پیتێن عەرەبی و ب کوردی و ٣٤ هەژمارێن دویماهیێ ب پیتێن لاتینی ب کوردی دهێتە دەرئینان. ل سالا ١٩٨٧ (فرات جەوهەری) دچیتە شامێ و هەموو هەژمارێن گۆڤارێ د دوو بەرگاندا کومدکەت و ل ١٥ی گولانێ ل سالا ١٩٨٧ کو ئەڤە ساڵڤەگەرا گۆڤارێ یە دوەشینیت.
ئەڤ رۆژە هەر سال ژ لایێ سازیێن چاندێ و پارتێن سیاسی ڤە وەکو رۆژا جەژنا زمانێ کوردی دهێتە پیرۆزکرن و ب مخابنی ڤە دبێژم! وەسا یا دیاردبیت ئیدی زمانێ دایکێ (کوردی) هەر وەک چ گرنگییا خوە نەمایە ل دەڤ تاکێ کورد، د ڕۆژەکا هوسا دا ئەو چالاکییێن ژبۆ زمانی دهێنە کرن ب تبلێن دەستا دهێنە هەژمارت، ئیدی بۆ کەسێ گرنگ نینە جاران ناڤا خێزانێ دا یان زارۆکێ ئەوی فێری زمانێ کوردی ببت یان نە، بەلکو شانازییێ ب هندێ دبیت دەمێ فێری عەرەبی و تورکی و ئینگلیزی دبت، هزرناکەت شەرم د هندێ داتە تاک زمانێ خوە نزانت ل جهێ شانازییا زانینا زمانێن دیتر.
ل رۆژا زمانێ کوردی زۆر کەس هەبوینە و درود بۆ گیانێ وان جانفیدایێن ژ پێخەمەت ئازادکرن و بەلاڤکرنا زمانێ کوردی گیانێ خۆ کریە قۆربان و ئەوێن ژ بۆ ئازادیا زمانی ئەڤرۆ دناڤا زیندانادا، د ئەڤێ رۆژێ دا دۆپات بکەین، بەردەوامی دان ب زمان و وەکو ئەركەک ل سەر پاراستن و بەلاڤکرن و گرنگیپێدانا زمانێ کوردیێ شیرین و چونکی بە کوردی دژیم وەکو کوردەك دێ مرین ب کوردی دئاخڤم و بەرسڤ دەم بە کوردی دیسان زیندی دێ مینن.
رۆژا جیهانیا زمانێ دایکێ پێدڤیە ئەم هەموو کار بۆ وەرار و پێشئێخستنا زمانێ کوردی بکەین، زمانێ کوردی ناسناما نەتەوا کوردە ب هەمی رێیێن زانستی و ناڤەند و جهێن ئاکادیمی و کەلتوری و جڤاکی و سیاسی و حکومی لێ خودان دەرکەڤین، و یێن کو ب زمانێ کوردی دنڤێسن، بزاڤێ بکەن زمانێ دایکێ کو بەرچاڤترین مەرجێ نەتەوەییە بپارێزن، ب ساخی بهێلن، پێ باخڤن و نیشا زارویێن خۆ بدەن، ب ڕێزمان و ڕێنڤیسەکا دروست و پاک بنڤیسن و بەرەڤ ئێکگرتن یان نێزیککرنا دایلێکتێن زمانێ کوردی ببەن، تایبەت د سوشیال میدیایدا کو ب مخابنیڤە چاما بسەرێ زمانێ کوردی دئینن فەرە بەردەوام گرنگیێ پێ بدەین.
