نڤێسین: فوزی بهجت عبداللە
گەلەک جاران پێتڤی یە مروڤ هزرا خو د هەمی کاران دا بکەت و نابیت مروڤ دویف حەز و ڤیان و خوشیا خو بکەڤیت و کاران ب ئاقلێ خو بکەت نەکو ب حەز و ڤیان و خوشیا خو.
ئەڤ باژێرێ ئەم تێدا دژین یێ مەزنە و پرە ژ مروڤان و ب دەهان هزاران کەس تێدا دژین و هەر خولەکەکێ چەندین روویدان دروست دبن، بلا مروڤ نەبیتە ئەگەرێ وێ چەندێ کو شێواز و قەبارێ رویدانێ مەزنتر لێ بهێت و قوربانی پەیداببن ژ ئەگەرێ رەفتارێن مروڤی.
ئەم هەمی حەژێکەر و پشتەڤانێن یانەیا خو یا دهۆکێ ینە، ئەم هەمی ب رح و گیان ڤە دگەل یانا خوینە و ب گشتی وەرزشێی نە، بەلێ نابیت ئەم چ مروڤان بکەینە قوربانی وێ حەژێکرنێ و جادان بگرین و هاولاتیان بێزار بکەین و بهێینە سەر جادەیان، و هندەک کەسا بکەینە قوربانی کەیف خوشیا خو، ب دەهان جهێن ڤالا ل ڤی باژێری هەنە، مینا پارکا نەوروز، پارکا ئازادی و بارزانی و جهێن ڤەکری و گەنج و لاوێن مە دشێن ل وان جها کەیف خوشیا خو دەربرن لێ گرتنا جاددێ د بیتە ئەگەرێ وێ چەندێ کو رویدان و ژدەست دان دویفرا بهێن.
کەسەک سەربورا خو بومن ڤەدگوهێزیت و دبێژیت: دایکا من جەلتا مێشکی لێدا ژ ئەگەرێ جاددە گرتن و ئاهەنگێن گەنجان من دایکا خو ژدەست دا لێ ئەگەر من زووی گەهاندبا نەخوشخانێ دبیت هاتبا چارەسەرکرن. ئایا پێتڤی دکەت عەزیزێن خو ژدەست بدەین ژ ئەگەرێ جاددە گرتنێ ژلایێ چەند گەنجان ڤە؟
بێگومان هەر کەسەک دڤێ ڕەوشێ دابیت ڤێ چەندێ قەبویل ناکەت، لەورا بلا ئەم هەمی کاودانان بینینە بەرچاڤێن خو و رێزێ ل ڤی باژێری و رویدانێن وان ل مروڤبونێ بگرین و هەڤکارێن ئێک بین.
دوماهیێ ژی دێ بێژم ب ئانەهیا خودێ و پشتەڤانیا خودێ و یاریزانین یانا دهۆک سەرکەفتن بو یانەیا دهۆکێ یە و پشتەڤانێن یانەیا خوینە و یانەیا دهۆک دێ مێژویێ تومارکەت ۆ د ناڤا یاریگەها دهۆک دا دێ ناسناڤی بلند بکەت، بەلێ ب شێوازەکێ جوانو دیری ئالوزی و رێکگرتنێ بلا ئاهەنگ بهێنە گێران نەکو ببیتە ئەگەرێ وێ چەندێ کو هاولاتی ببنە قوربان و بێزارکەر…
