نڤیسین: شیماء ولید رشید
زانکویا جیهان-دهۆک
بەشێ پەروەردا گشتی
دوو هەڤاڵان وێنە دکێشان ل سەر دیوارێ ئاڤاهیەکێ بلند، دەمێ ئێک ژ وان ژ کەڤاڵێ خۆ ب دویماهیک هاتی بۆ پشتێ زڤری دا خۆشیێ ب دیتنا وێنێ خۆ ببەت، هێشتا پتر پشت و پشت چووبا پتر داخباری وێنێ خۆ دبوو، هەتا کو گەهشتیە ل سەر لێڤا ئاڤاهی و نێزیک بوو بکەڤیت بێی هەست پێ بکەت! دەمێ کۆ هەڤالێ وی دیتی ترسیا ئەو لێ بکەتە گازی چونکی دبیت گازیا وی شەپرزەکەت ڤێجا بکەڤیت ژ بلنداهیا ئاڤاهی! چ پێ نەما دەستێ خۆ ل کارتونا ڕەنگان دا و رێژتە سەر کەڤالێ جوانێ هەڤالێ خۆ و جوانیا وی تێک شێلاند! ل وی دەمی خودانێ کەڤالی ب توڕەبوون ژ ڕەفتارا هەڤالێ خۆ بەرەف کەڤاڵێ خۆ ڤە چوو و ب دەنگێ بلند گوتێ:”تە بۆچی ئەڤ چەندەکر..؟!” هەڤالێ و بەرسڤدا: “ئەگەر هەر هوسا مابایی و پتر داخباری وێنەیێ خۆ ببایی دا کەڤی و دا مری !!!” وانــــەیەک: هندەک جاران تشتێن جوان د ژیانا خۆ دا دبینن و حەز ژێ دکەین، پێڤە دهێینە گرێدان، ئەم ژیانا خۆ بێی وان نابینین و ژبەر دژواریا داخباربوونا مە و بێی هەست پێ بکەین بۆ پشتێ دزڤرین، مە های ژێ نامینیت کو ئەو ئەگەرێ گیروبوونا مەنە ! ــ دبیت خەمبار ببین بۆ وان تشتێن چوویین، دبیت بگرین ل سەر هندەک قەدەرێن بۆ مە نەهاتینە نڤێسین .. بەلێ پشتی دەمەکی پشت راستین دێ عیبرەت بۆ مە ژێ دەرکەڤیت و دێ ئەگەری زانین! ل وی دەمی دێ گەلەک سوپاسیا خودێ کەین ل سەر دەستدانا وان تشتێن کۆ بەردەمبوونا وان خوسارەتی و ژدەستدان بوو بۆ مە. (وَعَسَىٰٓ أَن تَكۡرَهُواْ شَيۡـٔٗا وَهُوَ خَيۡرٞ لَّكُمۡۖ وَعَسَىٰٓ أَن تُحِبُّواْ شَيۡـٔٗا وَهُوَ شَرّٞ لَّكُمۡۚ وَٱللَّهُ يَعۡلَمُ وَأَنتُمۡ لَا تَعۡلَمُونَ ) ئانکۆ: “دبیت هوين حه‌ز ژ تشته‌كى نه‌كه‌ن و ئه‌و ب خۆ خێرا هه‌وه تێدا هه‌بیت دبیت هوین حەز ژ تشتەکی بکەن ئەو خێرا هەوە دانەبیت خودێ دزانیت و هوین نزانن” سورة البقرة :(٢١٦).
