زێدە بکارئینانا شاشێن ئەلکترونی دبیتە ئەگەرێ چ؟

ئالاء یزدین
ئەندازیار و راوێژکارا پەروەردەیی

گیروبونا شییانێن هزری
لاوازی دبەهرەیێن لەشیدا
ئاریشێن دەرونی
کێمبوونا پەیوەندییا دگەل دەوروبەرا
چونا دهزرادا و کێم ترکیز
گیروکرنا ئاخفتن و تێنەگەهشتنا مروڤی

نوکە زێدە بکارئینا شاشێن گەلەک یا بەربەلاڤ بووی لدەڤ زاروکا ئێک جاری پشتی دەمێ کورونایێ و خاندنا ئونلاین زاروک پتر یێت هاتینە گرێدان گەلەک مال یێت هەین هەمی بچیکن ژی دڤێت انترنێت ژێ خلاس نەبیت یان دێ چنە سەرەدانەکێ هەمی بچیک دێ بس انترنێتێ ڤەکەن و خلاس و هەر هاش چنینە دچنە ناڤ جیهانەکادی بێ چاڤدێری و راوستییان. بتایبەتی بو زاروکێن تا ٥ سالی مێشکێ وان یێت قوناغا گەشەکرنێ دا و شاشێن ئەلکترونی کارتێکرنەکا مەزنتر و بەرچافتر یا هەی، دێ گەلەک جاران دەیک و باب پسیارکەن پا بوچی کورێ من نە یێ زیرەکە یان حەژ مروڤا ناکەت یان نزانیت باخڤیت یان چ ژ دابونەریتان نزانیت و هزار یان و یان بو زاروکێن نوکە کێمن هەروژ دێ تشتەکی گولێ بی هەر دێ مینیە شاش هند زاروکێ بچیک ڤان ئاخفتنێت مەزن دبێژیت. پتریا قوتابخانە و باخچێن زاروکا گەلەک زەحمەتێ دبەن ب زاروکا ڤە چکو هندەک رەفتار و حەزێن پەیدابووین گەلەک ژ ژیێ وان مەزنترن. خێزانێن نوکە هەمی دبچیکن و هەمی ژ مەرەما هەبونا خێزانەکێ تو بشێی کونترولێ لسەر بکەی و بشێی هەمی تشتا بو پەیداکەی و پتر ژ نیڤا وان تشتان نەد گرنگن بتنێ حەزە، بەلێ دڤێت ژبیر نەکەین کو ئەگەر مەزن نەشێن کونترولێ لسەر حەزێن خو بکەن و هندی تشتەک لبەر دەست بیت چاڤێ وی یێل بەرامبەر و چ جارا رازیبوون نینە ئەرێ پا ئەو زاروکێ لبەر وان دەستان مەزن دبیت دێ چەوا بیت ئەرێ زاروکێ بچیک تشتەکی دزانین ژ داکو هەر ژ زاروکینی فێرنەبیت کو هەمی دەما هەمی تشت نینن ددەمی نوکەدا زاروک بچیک دڤێت موبایلەک هەبیت بێی کونترولنەکرنا دەمی بابەتێن زاروک تەماشە دکەت، دەمێ دەرکەتنا داکو زاروک لبەر چاڤا بیت هەر ب وان شاشاڤە زنجیر دبن دبیت لدەست پێکێ بتنێ خوشییەک بیت بو خێزانێ چکو زاروک یێ رینشتی یە لبەر چاڤێن وان بەلێ دگەل دەمی هندەک رەفتار لدەف زاروکی پەیدا دبن نەیێت پەروەردەیی نە بەلکو یێت شاشێت ئەلکترونی نە دگەل داخازی و نە تێگەهشتنا بارێ خێزانێ فێربونا کارێن خەلەت ژ هندەک بابەتان دبیت د چاڤێ تەدا کارتونەکە بەلێ بێی تو بزانی ئەو بتنێ کوژەکە بو پاشەروژەکا سروشتی یا زاروکێ تە.