زوھێر کورەمارکی
ئەگەر ئەم ئاورییەکی ل ژیانا نوکە بدەین دێ بۆمە دیار بیت کو یا بەرەو مادیات و جوانیێ ڤە دچیت، رەسەنایەتی و بھاو ئەخلاقیات یێ بەرەو ئاڤابوونێ ڤە دچن و خەلک و خێزان و جڤاک و مللەت و حکومەت ژی لوان ناگەڕن و ھند بھایی نادەنێ. بمخابنیڤە دڤی سەردەمیدا سامان و پارە و جوانیا سەرڤە سەرڤە یێن بووینە تڕەند و ھەمی تشت یێن کەفتینە ددەستێن واندا ئەو تەحەکمێ بھەر تشتی دکەن و وەکی مەنگەنێ تڕۆبێلێ ھەمی تشتا ئەو دبەرژەوەندا خۆدا دھاژۆن، ئەو خودان ھێزو بریارن و ھەمی چەمکا بۆ خۆ رادکێشن و تاک و جڤاک یێن بووینە بەندێن وان نەشێن ژێ رزگار ببن. دڕاڤ ھەمی کێماسییێن بارزگان و دەولەمەندا دڤەشێریت و وان دکەتە خودان بریارو ھەمی تشتێ وان براست لقەلەم ددەت ئانکو ھوسا ددەتە خۆیاکرن ئەو چ جارا خەلەت نابم و گۆتنێن وان ل ھەمی جھا دخۆن و بھاو رێز یێن ھەین؟ ھەر دەم تەحەکمێ ل جڤاکی و مللەتی دکەن و ھوسا دەردکەڤن کو مرۆڤێن بێ شاشینە عەیب و علەتێن وان دھێنە ڤەشارتن و بن ئاخ دبن لەوا ھندەک دبێژن ئاخ زەنگینی تۆ چەندا خوشی و بێ شەڕ و شیق دەرباز دبی؟ ژیانا نوکە ھەمی یا بوویە رۆخسار و گرنگی پێ دھێتەدان، ناڤەرۆک ھند بۆ وان نەخەمە لەومانێ نوکە ئاریشە و قوربانی ژ بەرێ گەلەک پترن.
جوانیا ژنێ ژی نوکە یا بوویە مۆدە و سەرێ ژ ھەر تشتی ستاندی و یا بوویە ھێز و سەرێ ژ ھەر تشتی ستاندی ھەمی کێماسی و خەرابیێن ژنێ دڤەشێریت و سەرنجا یێ بەرامبەر خۆ رادکێشیت و کەس بەرێ خۆ نادەتە کێماسیێن وێ، ھەرتم جوانی یا جوان و سەرنج راکێشە و یاراست و دورست و پاقژ و بێ شاشییە.
ئەڤ ھەر دوو چەمکە ل گەلەک جھان لجیھانێ یێن بووینە بەڵا سەرێن خەلکی ھند ئارامیێ نابەخشن ھندی ھندەک جارا بێ ئارامی و بێ ھەداریێ پەیدا دکەن،جوانی و دڕاڤێن ئەخلاق دگەل نەبیت دبیتە بەڵایەکا سۆر بسۆر وەلێ ئەو دڕاڤ و جوانیا ئەخلاق و زانین دگەل بیت گۆلەکا پری عەتر و گۆلاڤە خوشی و ئارامیێ دبەخشیتە تاک و خێزان و جڤاک و مللەتان.
