محمد مراد
سالا 1961 وەرە تا نوڪە ڪارەسات لدیڤ ڪارەساتێ ب سەرێ مللەتێ ڪورد و شورەشێن بزاڤا رزگاریخوازا ڪوردی هاتینە و ئەگەرێ هەره سەرەڪی یێ ڤان ڪارەساتا نە ئێك رێزییا ملەت و حزبێن ڪوردی یە، و د هەر ڪارەساتەڪێ هزاران ڪورد ژ ناڤ چوینە و بوینە قوربانی و هندەك ئاوەرەبوینە، ڪو هەتا هەتا نەزڤرن سەر جهو و وارێت خو، ئەڤ ڪارەساتێن بەردەوام بوینە ئەگەرێ هند قەوارا سیاسی و جوگرافییا ڪوردستانا باشور هند بچوك ببەت، مروڤ هەست ب زیندانڪرن و بهێن تەنگیێ تێدا بڪەت،،،،،
ژ ئەگەرێ ژ دەست دانا سەدان ڪێلومەترێن چوارگوشە ژ خاڪا ڪوردستانێ و ژ دەست دانا سەدان باژێرك و گوندا……
1. شورەشا ئەیلولێ 1961 تا 1975 نسڪوا ئادارێ ڪو ب خیانەتا جەزایر دهێتە ناسڪرن بسەردا هات، ڪو ل وی دەمی نیڤەك ڪورد دگەل رژێما عێراقێ بون، هزاران ڪورد ئاوارە و دەربەدەربون و هەتا نوڪە ژی هندەك نە زڤرینە ڪوردستانێ، ئەڤ ڪارەساتە بوو، ئەگەرێ نەخوش ڪەفتنا سەرڪردێ شورەشا ئەیلولێ (مەلا مستفی بارزانی) هەتا ڪو وەغەرا دوماهیڪێ ڪری ل سالا 1979 ڪورد مانه بێ رێبەر،،،،
2. شورەشا گولانێ 1976 تا 1988 ئەنفال بسەردا هات، ل وی دەمی پتر ژ 500 هزار چەڪدارێن ڪورد دگەل رژێما عێراقێ بون، وەك چەته بون، ئەگەرێ هندێ ڪو پتر 182 هزار ڪورد ژناڤ بچن و بونە قوربانی، دە یان هزار ئاوارە و دەربە دەری دونیایێ بون، هەتا نوڪە ژی هندەك نەزفرینە ڤە و هزاران گوند هاتن خرابڪرن و سوتن ڪو هەتا نوڪە ژی نەهاتینه ئاڤاڪرن و خەلڪی وان دپارێزین مەزن دا هەمی تشتەڪی گوندا وەك چاندن و خودانڪرنا تەرش و ڪەوال و ڪەلتوری ژیانا گوندا ژ دەست داینه،،،،،
3. سەرهلدنا 1991 پیروزا گەلێ ڪورد و ڪوچا ملیونی ب سەردا هات، نە ئێك رێزییا حزبێن ڪوردستانی، ل وی دەمی ب دیف ڪەلە پیرت و ڪەل و پەلا و خانیت حڪومی ڪەفتن، بەرگری نە هاتەڪرن، نە ژ لایێ حزبێن ڪوردی و نە مللەتی ڤه به رگری ژ خاڪا ڪوردستانێ نه هات کرن ،مللەت توشی ڪارەساتەك مەزن بوو، دە یان هاولاتی ل ڪوچا ملیونی ژناڤ چون،،،،
4. دامەزراندنا هەرێما ڪوردستانێ سالا 1992 ژ نە ئێك رێزییا پارتی و ئێڪەتی،شەرێ نافخو بسەردا هات، هەتا نهو ئەم یێ باجا وێ ددەین ڪو بو ئەگەرێ پارچەڪرنا ڪوردستانێ و دوو ئیدارەیا نوڪە.و سەدان ڪورد ژ ناڤ چون و دە یان خێزان ئاوەرەبون، ژ ئەگەرێ شەرێ نافخو،،،،
5. شەرێ ئازادییا عێراقێ و هاتنا بودجەڪا زەبلاح بو هەرێما ڪوردستانێ، ڪو هەمی سەرڪردێن سیاسی و حڪومی مژیلی سەرو سامان و پارە و ڤلە و قەسرو و سەیارا و موچا و پروژێن تایبەت بون، مللەت و خاڪا ڪوردستانێ هاتە ژبیرڪرن شەرێ داعشێ بسەر دا هات، ڪو بو ئەگەرێ ژ دەست دانا شنگالێ و جینوسایدا برا ئێزدییا و ئاوەرە و دەربەدەربونا هزارەها خێزان و ژ ناڤ چونا ژمارەك زور ژ ڪوردا،،،،،
6. 25/9/2017 ریفراندوم و سەربەخویا ڪوردستانا ڪو نیفەك حزبێن ڪوردستانی دگەل نەبون ب پلان و بەرنامە ڪارەساتا 16 ئوڪتوبەرێ بسەردا هات،بو ئەگەرێ ژ دەست دانا نیڤەك خاڪا ڪوردستانێ و ژ دەست دانا پترییا سەرو سامانێ ڪوردستانێ و دوبارە ژ دەست دانا شنگالێ. و ئاوەرەبونا سەدان هاولاتییا و ژناڤچونا ژمارەك ڪوردا،،،،،،،
7. ئەگەر نوکە ژی ئێك رێزییا حزبێن ڪوردستانی و مللەتێ ڪورد چێ نە بیت، د ڤان گهورینێت روژهەلاتا ناڤەراست چێ دبن وەك ژ ناڤبرنا رژێما ئەسدی ل سورییا و ژ ناڤبرنا حزب الله ل لوبنانێ و ژنافبرنا بزاڤا حەماسێ ل فلستینێ و گەڤ و فشارێن مەزن لسەر ئیرانێ، و گەڤ و لاوازڪرنا حەشدا شەعبی ل عێراقێ، بەری ئەڤه هەمی ژناڤ بچن فەره ڪورد ل باشورێ ڪوردستانێ ئێڪرێزییا نیشمانی را گەیانن بەرامبەر رایا گشتی، و لەزێ بڪەن حڪومه تا هەرێمێ پێك بینن بەری ئالوزی بڪەڤن عێراقێ، چنڪو دێ ڪارتێکرنێت زور خراب لسەر هەرێمێ ژی هەبن….؟
