نڤیسین: سەروین سەلیم حیدۆ
زانکۆیا جیهان ـ دهۆک
بەشێ پەروەردا گشتی
ئەو دەمێ ئەم زاڕۆک بۆ مە گەلەک یا ب ساناهی بوو ل ئەو دەمێ ئەم ترسابایین مە خۆ ل پشت ئەوی (کورکێ گەرم ) ڤەشارت با، داکو چ کەس نەشێن هندی سەرێ دەرزیکێ ژی زیانێ ب گەهینە مە و ئەم د پشتڕاست بووین کۆ ئەو (کورکێ گەرم) دێ مە پارێزیت ژ هەمی باهوزێن دژوار یێن ژیانێ، ڕۆژ بورین و هێدی هێدی ئەم مەزن بووین، ئەم هند مەزن بووین کۆ دگەل ئەوێ مەزنیێ ژی تێگەهشتن ل هندەک ڕویدانان یا ئاسان نەبوو، ددەمەکی دا کۆ هێشتا سیبەرا چیای یال هنداڤ ژیانا مە هەی…
ـ ئەوی گەلەک قوربانی دان و ئەم بوین یێن کۆ دیدەڤانی ل سەر ئەوان قوربانیان کری، لێ د هندەک دەمان دا قوربانی دان ژی بەس نەبوو کۆ بشێت ئەوان باهوزێن دژوار و هۆڕ هۆڕی و سەخت دەرباز بکەت، دهەر دەمەکی دا چرکەکا ترس و لەرزێ هەبوو کۆ گیان د هەژاندن،ئاها ژبەر وێ چەندێ بو هەر دەما ترس و ئازارەک ببا مێهڤان، ئەم دپاراستی بووین ل پشت، وی (کورکێ گەرم) و پڕی دلوڤانی، ئەرێ! مانە دبێژێن کۆ بەهەشت یا ل بن پێت (دایکێ) .. پا ئەگەر چییە؟ چ کەس ناهێن و ئەوێ مێرگا ژ بێهنا مسک و عمبەران سالۆخ بدەت، ژ بێهنا گوڵ و بەیبونان ل ناڤ دلێ هەر (بابەکی) دا هەی ژبۆ زاروویێن وی بکەن، ڕاستە ئەو یا بەرچاڤ نینە، بەلێ….ئەو بەهەشتەکا وەسا جوان و خەملاندییە کۆ ژهزاران باخچەیێن گوڵێن (هولەندا) یێ جوانتر و نازکترە ، هوین دزانن ئەو چەوا یا نازکە؟
-وەکی وێ خوناڤێ یە یا کۆ ل بەرێ سپێدەیێن زڤستانێ بەلگێن گوڵان داگیر کریین، ئەو (کورکێ گەرم) یێ تژییە ژ برین و ئازاران و ئەو دەرمانێ ئەوان برین و ئازاران ب تنێ ب پەیڤەکێ ب دەست خوەڤەدینێن، ئەو دەما پەیڤا (بابۆ) ژ زاردەڤێ زاروویێن خوە گوهلێدبن، هەمی وەستییانێ ژبیردکەن و ب چاڤێن تژی و سەرداچویی ب حەزژێکرنێ ژ هەمی دلێ خوە حەزووکەن ئەوان ئێک ئێکە ل بەر هەمبێزا گەرم و ب هێز مەزن بکەت، (باب) ستوونەکا گەلەک ب هێز چکڵاندییە ژبۆ زاروویێن خوە، باوەرییەکا موکمە ژبۆ گیانێ ئەوان، ئەشق و ڤییانەکا ڕاست و درستە ژبۆ دلێن ئەوان، سیبەرەکا بەردەوامە ژبۆ ڕییا وان، یاقوتەکێ ب سەنگە ژبۆ تمام بوونا ناڤێ ئەوان، ڕێبازەکا ب دەنگە ژ بۆ نفشێ ئەوان.
