دەڕونناس أبراهيم عبدالستار
رەمەکێ ژیانێ ئەو ھەمی ھێزن یێن کو بۆ بەردەوامیا ژیانێ و گەشەکرنا جۆرێ مرۆڤی یا بەردەوام، وەکی (رەمەکێ سێکسی)، فرۆیدی د وێ باوەرێ دابوو کو ئەڤ رەمەکە گرنگترین رەمەکە، و ھێزا یا ھەی کوبنەمایێ ئەڤێ رەمەکێ یێ دانای ئەوژیک (لیبیدو) یە، و پاشی فرۆیدی ئەڤ رەمەکە بەرەفرەھکر و دیارکر کو ئەڤ رەمەکە رامانەکا گشتی یە و چەندین کارێن دی بخۆڤە دگریت و ئەڤ رەمەکە سێکسی نە یا گرێدایە ب ئەندامێن جووتبوونێ، چونکی دگەل حەزا سێکسی داچەندین جورێن حەژێکرنێ و نێزیکی بوونێ یێن ھەین وەک ئەڤینی و دۆستینی و سۆز و ڤیانا خۆ و ڤیانا خەلکی و ڤیانا بیروباوەرا و ئەڤیانا ھەمی مرۆڤایەتیێ، و ئەڤ رەمەکێ سێکسی ژێدەرێ ھەمی حەژێکرنێ و دلۆڤانیێ یە وەک ژێدەرێ شەری و غیرێ وکەربێ و دۆژمنکاریێ، و ئەرکێ ئەڤی رەمەکی کارتێکرنێ ل ژیانا مرۆڤی دکەت و بنەمایێ لەزەتا ھەستەوەری و سۆزداری یە ھەتا کو میزتنێ خۆشیا سێکسی یا دگەل، ژبەرکو دبیتە ئەگەرێ کێمکرنا رێژەیا نە ئارامیێ ئەو نەئارامیا ژێدەرێ وێ سێکسە، (فرۆید)ی دگۆت ھێزا سێکسی ل قۆناغا سنێلەییێ دەست پێناکەت بەلکو ل قۆناغا زارۆکینیێ یان دگەل بوونا زارۆکێ دەستپێدکەت و دیاردبیت برێکا خۆ دەڤی ل دەڤ زارۆکی، (فرۆید)ی رەمەکێ سێکسی بەرفرەھکر کو ژ ئەوان ھەمی حەزان پێکدھێت ئەوێن خۆشیێ دگەھیننە ھەستێ وژدانی، چ حەزێن جوتبوونێ بن یان نە نەیێن جوتوببونۆنێ،و ژدایک بوونێ تامرنێ د بەردەوامن، و (فرۆید) ناڤێ ئەڤی رەمەکێ کرە رەمەکێ حەژێکرنێ (Eros).
