نڤیسین: نارین محمد مصطفی
زانکویا جیهان-دهۆک
بەشێ زانستێن کۆمپیۆتەری
هندەک بۆچوون و زانین یێن هەین تۆ نەشێی تێبگەهی بۆچی و ژبەر چ؟ ئەڤە تشتەکە د گەردوونی دا مێشک هەمی نەشێت وەرگریت و هەر وەسان هندەک بابەت یێن هەین چێدبیت چ گرنگیا وەسا بەرکەفتی نەبیت تۆ ل دویڤ ب چی هەتا تێبگەهی، زانینا کا چ دهێتە ڕۆیدان ب زانستی ڤە ئەڤە تشتەکێ گەلەک باشە بەلێ! ئەو هویرکاریێن چ مفا نەبیت نە ب تنێ تێنەگەهە بەلکۆ پێکولێ نەکە خۆ تێبگەهینی ژی، هندی کە پێزانینێن تە د وی بواریدا بن ئەوێ تۆ ل سەر بەردەوام ئەڤە تشتەکێ باشە بەلێ ل چ قولاچا بیت تو ل هەمیان چێدبیت بگەهی ئەڤە نە یا نورمالە، مە هەتا رادەیەکی جهەکێ دەستنیشانکری یێ سەیڤکرنا پێزانینان یێ هەی تو نەشێی هند بارێ خو گران بکەی پاشی یا پێدڤی بهێتە ژبیرکرن. زانينا تە بۆچی يا كەتیە بەرسنگێ تە دێ تە ماندیکەت هەتا تۆ ب درستى هەمیيێ د مێشکێ خۆ دا شڕۆڤە دكەى، بۆ نموونە دێ بێژین وەکی ئەڤرۆ دەمێ هاتيە دەوامێ بۆچی وەكى هەمى ڕۆژان ب ئاساىی نە هاتيە دەڤ من؟ بۆچی دێمێ وێ هند یێ گەش نەبوو؟ وەكى هەر جار دێ بێژین تە پرسیاركر دبيتن وێ بەر نەبوو ژى بۆ تە باخڤیت بەلێ تە ڤيا هەمى بابەتى بزانى ئەگەر خۆ چ ژ تە نەهێت بۆ بكەى و ب دەمژمێرا وێ بوتە بەحسى خوكر كا چ هاتيە ڕۆيدان ئەڤێ چەندێ چ ل تە زێدەكر؟ ب تنێ مێشكێ تە باراپتر تژی بو و ئەو ب خۆ د ژیانا ئەڤرۆ د ڕۆژەکێ دا گەلەك تشت پێکڤە دهێنە ڕۆيدان و نوکە ژی ئێکا هند ژ تە چێبوو نەشێى كارەکێ هزرى بۆ خۆ ئەنجام بدەی. نەيا پێتڤی يە بزانى چ دناڤبەرا دوو وەلاتان دهێتە ڕۆيدان كا ئەو چ دبێژن، يان بۆچى ئەڤرۆ ئێك ژ كارمەندان ڕۆژا بێهنڤەدانا خۆ گوهری، دبيت تۆ نوكە دلێ خۆ دا بێژيە من مانێ هەڤالا منە و من ڤیا بارێ وێ سڤك بكەم یان پێدڤیە بۆ ئێکی باخڤیت دا ئارام ببيت، وەسا نينە يێ ڤیا بۆ تە باخڤیت ئەو بۆ خۆ دێ هێت وبوتە بێژیت بەلێ ئەگەر بزانيت چارەسەری ل دەڤ ته نينە بەلکۆ حەز دكەت ب تنێ دەمەکی دگەل تە بورينیت و دناڤدا خو ژبیرڤە ببەت بەس تەنە هێلا و ب هزارەها نموونێن دى يێ ب مەڤە نە گرێدای ئەم ل دويڤ دچين و نوكه دەم دەمێ تێكنولوجى و پێشكەفتنێ یە و ئەم يێن ماينە ب دويڤ ئێک ڤە هێشتا.
