موفق رشدي
پەیڤا شانۆکارێ یۆنانی (تيۆدوروس تیزوبولۆسپ)
ب هەلکەفتنا رۆژا جیهانی یا شانۆیێ یاکو دکەڤیتە٣/٢٧ژ هەر سال)
وەرگێران موفق رشدی گەلی شانۆکارا، ئاشقێن دەپێ شانۆوا سحر وزندی ئەڤرو ئەم ڕۆژا جیهانی یا شانۆیێ پیرۆز دکەین، دەپێ شانۆیێ ئه‌و جهە یێ کو ژکەڤن وەرە تانوکە بەردەوام مرۆڤان دگەهینتە ئێک دا کو ببیتە خودیکەک، هیڤییاتیێ ئوترس و پرسێن کویر یێن ژیانێ تێدا دیار بکەت. شانۆ ئه‌و هونه‌رە یێ کو بەردەوام بەرهنگارییا کێشێن ژیانێ دبیت، نفش بو نفشی، ل گەل هەر رەوشەنبیرییەکا نوی شانۆ گەشەپێدانێ دکەت، چنکی رهوریشالێت وێ مرۆڤایەتییە. ل سالا ۲۰۲٥ێ ئەم دیمەنێن نوی دبینین، دونیا دهێت گوهۆرین، تەکنەلوجییا و پێشکەفتن وژیرییا هونەری و جیهانێن ژماره‌یان، ئەڤێ جیهانا دیجیتالی دەپێ شانۆیێ یێ داگیرکری، لێ چ جار نەشییایە ئەوی گیانێ زندی یێ شانۆیێ لابدەت، دێ روی ب رویبوونا ئەکتەری ل گەل بینەری هەر مینیت (جەوهەرێ) شانۆیێ، ئەو پەیڤا دهێت گوتن، ئەو لڤین،ئەو وێنە، بەلکو ئەو بێدەنگی ژی دێ هەر مینیت ب هێزتر ژ تەماشەکرنا سکرینەکی یان (شاشەکێ( شانۆ ئیرۆ نه ته‌نێ خوەشییەکە یان دەم بۆراندنە، شانۆ نامەکە،کارەکە، خەباتەکە دژی نەزانینێ، دژی ب تنێهیێ، دژی ترسێ ،داخوازنامەکە بۆ خەیال بەرفرهەکرنێ، بۆ دیالۆگێ، بۆ دیتنا جیهانێ ب چاڤێن نوی،بلا دەپێن شانۆیێن مە ببنە پلاتفۆرم بۆ هیڤییاتیێ بو وێرەکاتیێ، بۆ وان پسیاران ئەوێن بەرێ مە ددەن بو پێش. سلاڤ بۆ هه‌ر هونه‌رمه‌ندەکێ جارەکێ ل سه‌ر دەپێ شانۆیێ راوەستیای، بۆ هه‌ر نڤێسەرەکی کو جیهان ب په‌یڤان خەملاندی، بۆ هه‌ر ده‌رهێنه‌رەکێ ب داهێنانێ سێربەندییا بکەت، بۆ هەر بینەرەکێ خودانێ وێ باوەرێ بیت، کو شانۆ نەتنێ نمایشەکە، بەلکو جیهانەکا بەردەوام ژیندارە. هەر دگەش بن، ئو بلا شانۆوا مە هەر بمینت چرایەک ژبۆ رۆهنکرنا هەمی قولاچكێن تاری.
