شرین جیهانی
لە زۆربەی شار و شارۆچکەکانی هەندەران کوردان خۆیان بێ بەش ناکەن لە بۆنە و پیرۆزییەکانی کوردوستان و هەر لەو بابەتە دا دەتوابین سرنج بخەینە سەر خانمانی کورد لە کانادا. لە شاری وەنکووێری زۆربەی ژنان لە بۆنەکانی کوردی دا نە تەنیا بە پۆشینی جلی و بەرگی ئاڵ و جوانی کوردی، بەشداری مەراسم وئاهەنگەکان دەبن بەڵکو دەست پێش خەر و بەرێوەبەری بۆنەکانن. لە زۆربەی کۆبونەوەکان هەوڵی پاراستن و دور نەکەوتنەوەی مناڵان و گەنجانی کورد لە زمان و جل و بەرگ و داب و نەریتی کوردی دەدرێت و زورتر خواردنەکانی کۆردەواری پێشکەش دەکرێن. ژنانی پێشەنگی کانادا لە زۆربەی پشوکانی ساڵ دا لە رێگەی تۆرە کۆمەڵایەتیەکانەوە پێوەندی بە یەکترەوە دەکەن بۆ سازدان و کۆبونەوەی جەماوەری بە مەبەستی پێشکەوتن و دانەبرانی مناڵان و بنەماڵەکانیان لە زمان و رەسەنایەتی کوردەواریان.
