سیلاڤ احمد محمد
زانکویا جیهان-دهۆك
بەشێ زمانێ ئینگلیزی
هەر کەسەك ژ مە خودان هزرو بووچونێن جودایە و ب چاڤەکێ جیاواز تەماشەیی ژیانێ دکەت، لێ ژ نێرینا مە ژبۆ ژیانێ زۆر جاران ئەم بریارێ و بەڕاورد کرنێ دەربارەی هەر تشتی ددەین، گەلەك جاران بریار و بوچونێن مە هەتا وی ڕاددەی بلەزن ئەم رێکێ نادەین مێشکێ مە هزر تێدا بکەت ئانکو “هەر تشتێ هاتە بەر دەڤی ئێکسەر دبێژین” پتریا جاران ژی ئەڤ بریارێن شاش ب برێکا بەڕاوردکرنێ دهێنە دان ب تایبەتی دەربارەی زارۆکان، ئەرێ ما مەرجە ددانێن هەمو زاڕویان ل تەمەنێ شەش هەیڤیێ دەرکەڤن یان ل ئێك سالیێ ب سەر پێیان بکەڤن؟. بۆ زانینن نوژدارێ تایبەت مەندێ زارۆکا دبێژیت“ئاساییە ل تەمەنێ چوار هەیڤیێ هەتا سال و نیڤان ددانێت زارۆکی دەرکەڤن، ڕێڤەچوونا زارۆکی ل تەمەنێ 10 هەیڤیێ هەتا تەمەنێ سال ونیڤان ئاساییە” ب بەڕاورد کرنا زارۆکەکی دگەل زارۆکەکێ دیتر نە ب تنێ بریارەکا شاش دهێتە دان بەلکو کارتێکرنەکا خراب ل دەروونێ دایکا زارۆکی دهێتەکرن د بیتە ئەگەرێ چاندنا هزاران گومانان د دلێ دایکێ دا، دبیت کەسەکا ب سەربوڕ ڕەوشا زارۆیەکێ دایکەکا نوی ببینیت و پێتڤیە دایکا وی زارۆکی بهێتە ئاگەهدارکرن ب ڕەوشا زارۆك تێدا، ل ڤێرێ ڕەوشەنبیریا مە دیار دبیت ب ڕێکا گوتن و ئاگەهدارکرنا دایکێ ژ ڕەوشا زارۆکی، لێ د جڤاکێ مە دا تۆ دێ ڕوی ب ڕوی هەموی جورێن کەسان بی ،ئەڤجا ئەگەر ئەم ب گوتنەکا زڤر کاریگەر بووین ئەو ژ ئەگەرێ کێم زانینا مەیە لەوما یا پێتڤییە ژبەری ئەم ببینە دایك ئەم خوە رەوشەنبیر بکەین د بوارێ خودانکرن و پەروەردەکرنا زاڕۆکان دا چونکی دەمێ ئەم ب گوتنەکا زڤر کاریگەر دبین ئەم یێ باجا نەزانینا خوە ددەین، ب خوش حالی ڤە د سەردەمێ نوکە دا ژ هەمی لایەکیڤە کار ئاسانیێن بێ بەرامبەر یێت ل بەردەستێ مە هەین ئەڤجا یا ل ل سەر مە پێتڤییە ب تنێ خوە فێربکەین و ب تنێ وەکی مروڤێن کورە ل دویڤ تیتالێن شاش یێن دایک و داپیرێن خوە بچین.
