ناجح بێجانی
نەڤرۆزا هەر کوردەکێ ل هەر جهەکی بژیت کو باوەری ب هەبوونا خۆ هەبت پیرۆزبت، ئەڤ ساڵە ب گشتی کوردیێن هەر چار پارچێن کوردستانێ و بەرزڕاگرتنا ئاهەنگێن نەڤرۆزێ وەکو ڕۆژەکا نەتەوەیی خوەدی دەرکەڤتن، لەومانێ ئێکڕێزی و ئێکگرتنا کوردان یا بوویە ژ زرۆرەتێ ئەم پێدڤی ئەڤێ چەندێنە، نەڤرۆزا ئەڤ ساڵ جهێ خۆشحالییا هەر تاکەکێ کورد بوو، بێ جوداهی ئەز باوەردکم ئەڤە باشترێن پێنگاڤ بوو، هەتا دۆژمنین مەژی هەست پێدکر هندەکا ب ڕاستەوخۆ پەیام گەهاندن بۆ وان دیاربوو ، هەر چەندە هزر بۆ وان چێبوویە، بۆچی کورد ژهەر نەتەوەیەکێ دیتر ب گەرم و گۆرتر خوەدی دەردکەڤن دبێژن: با بکن ڕۆژا پێکڤە ژیانێ و برایەتیێ ئەوان دڤێن ئەڤێ ڕۆژێ ژی ب چەند پەیڤێن تەیسۆک ژمە بستینێن و دیارو روهن بوو ، لێ دیسان دیاربوو کا کورد چەند حەز ل ئاشتی وئازادی دکن دوور ژهەر زۆڵم وسەتەمەکێ، نەڤرۆزا ئەڤ ساڵ پتر گڕیدای هەستا نەتەوەیی بوو، یا من پتر دڤێتن ئاماژەییێ پێبدەم نەڤرۆزا باژێرێ کۆلن بوو ل ئەلمانیا ڕۆژا ٢٠٢٥/٣/٢٢ێ بۆ جارێ ئێکێ بوو کوردیێن هەر چار پارچا ل ژێڕ دوورشمێن (ب دل و جان ئەم ئێکن) بەری نوکە ژی گەلەک جاران دڤییا نەڤرۆزێ پێکڤە پیرۆز بکن، لێ ژبەر ئایدۆلۆژی و هزرو بیرو باوەریێن چەند پارتێن سیاسی بۆ مەرەمەکا سیاسی، کو خۆ ب پێشەنگ ب بن ڕاستی تۆشی شکەستنێ دبوون، لەومانێ نەدشیان گۆتارەکا ئێکگرتی هەبتن بوویە ئەگەر هەر کەس ولایەن و سەربەخۆ نەڤرۆزێ ب مولکێ خۆ بزانن، ئەڤە ڕاستیا هندێ یە کو کوردیێن دیاسپۆرا ئەڤێ جارێ بۆ هەموو دنیایێ سەلماند، بەلێ ئەم هەینە و دێ هەر مینن ب تایبەت پشتەڤانییا سەرۆک(بارزانێ) هاندەرک مەزن بوو، هەردوو پەیامێن وی ل ڕۆژا ئاهەنگێ و پشتی ئاهەنگێ و خڕڤەبوونا ب ئەڤی رەنگی د هزرا کەسێ دا نەبوو، خواندنا گۆتارا جەنابێ وی پتر هێزو شیان دان خەلکێ مە یێ دیاسپۆرا، بەلێ ئەم دگەل وەینە ب ڕاستی ژ هەوە خۆیا کر کو کوردایەتیی بەری هەر تشتەکێ وە ئەم دلخۆشکرن و ئێکگرتنا گۆتارا کوردی لژێر خیڤەتا کوردستانێ بوو، کەدو زەحمەتەکا مەزن بوو دڤییا، تاکو لسەرانسەری ئەورۆپا بشێن پشکداریای تێدا بکن، سەرەرایی دووربوونا ڕێیێ ب هزاران کیلۆمەترا، لێ نەبوو ڕێگرو ئاستەنگ، لێ بەلکو پڕانییا وان هەستپێدکر ئەڤە ئەرک لسەر ملێن وان، نەڤرۆزا کۆلن یا ئەڤجارە بۆ هەر کوردەکی خۆیا بوو هەبوونا مە ئێکگرتنا مەیە، ئەڤ نەساخییا هەتا نوکە دناف کوردان دا هەبوو یا بەربەلاڤ دڤێتن چارەسەری بهێتە کرن وئەڤە دەستپێکەک باشبوو هێدێ هێدێ بەرەف چارەسەرییا ئێکجاری، ژ خالێن هەر باش هونەرمەندیێن هەر چار پارچا دوور ژ حزبایەتیا پەیامیێن خۆ گەهاندن، لێ خوەزی ب تنێ ئالا کوردستانێ هاتبا بلندکرن لێ ئەڤێ ژی وەخت پێدڤێتن هەتا هەر کەس ژمە ب تنێ کوردستانێ ب مولکێ خۆ بزانت، خالەک دیتر ئەو کەسیێن وەسا هزر دکرن کوردیێن دیاسپۆرا ب تنێ بۆ خوە دژین وئاخ وەلات یێن ژبیرکرن، لێ ئەڤێ جارێ سەلماندین کوردستان بەری هەر تشتەکی یا ژهەمیان باشتر دەستپیکا دورستکرنا لۆبیەکا کوردی یا بهێزە و کو دشێان دانە ئەڤ هێزا مەزن یامرۆڤان مفا ژێ بهێتە وەرگرتن د بەرژەوەندییا کوردستانێ دا، خالەکا دی مرۆڤ هەست پێدکن نێزکبوونا سەرکردەیێن سیاسی یێن کوردستانی چەند یا گرنگە هەگەر هەتا ئەڤرۆ دوراتیەک هەبت دناڤبەرا وان دا دڤێتن نەڤرۆزا کۆلن ب بت دەرفەتەک و بەرچاڤ وەربگرن، جارەکا دی نەڤرۆزا کوردستانیێن پیرۆز بت.
