ئارام دهوکی
دەمەکیدا ئارێشێن کەنەدا روژ بۆ رۆژێ بەرەڤ ئالوزیێن ئابووری، ئاسایشێ، بەتالیێ و سست بوونا بارێ سیاسی و هەرەشەیێن ترەمپی و یێن نێڤ نەتەوی و کاودانێت ئالوزیێن مشەختەکان لسەر کەنەدا بەرەف زێدەبوونێڤە دچن، پارتا دەستەلات وەکو بار هاتی سەر شاخا، یا بلەز و بە.ز بانگا هەلبژارتنەکا بەروەخت و زوو بکەت دا هەر چ نەبە هنەک ژ کێماسی و خەلتیێن پارت و سەروکێ خۆ جەستن ترۆدی راستڤەکەت و جارەک دن گەلێ کەنەدی وان بهەلبژێرە بۆ ٤ سالێن دن، لێ وەسان دیارە کو کوون ژ پاتەی مەزنتر یا لێهاتی و ئێدی پنی کرن نکارە ئارێشێ چارەکە.
حکومەتا کەنەدا وەکو هژمارەک وەلاتێن دن دەرگەهێ میزانیا خۆ ڤەکر بۆ وەلاتیان لدەمێ کرۆنایێ و بێ دوو دلی هەڤکاری بۆ هەموو وەلاتیێن خۆ کرن بتایبەت یێن کو کارێ خۆ ژ دەستدای و ئەو بسنسێن ناڤنجی و بچووک یێن کو کەتین بن هەرەشا شکەستن خارنێ. وەسان دیارە کو ئەڤ دەمێ نالەبار بۆ سەدەمەک کو گەندەلی ل ناڤا سیستەما دەولەتێ بگەهە کوپیتکێ و ژ نيشکەکێڤە دەولەت و حکومەتا جەستنی دیت کو حەتا حەفکي یێ کەتیە دناڤ ئارێشێن جڤاکێ کەنەدی دا بئینانا رێژەک زۆر یا ئەفغانیا و لاوازیا سەردەریێ د گەل کورنایێ و هاتنا بەرەلا یا مشەختان برێکن نە یاسای و بەرپا بوونا شەرێ رووسی و ئوکرانیایێ قەدەم ل حکومەتا حزبا لیبرالا دەستەلادار شکاندن روژ بۆ رۆژ هەڤیرێ وان د دەستێن واندا روون بوو و بۆ ئەگەرا نەمانا کاری و نەما خانەیێن نیشتەجێبوونێ و بەرزبوونا کالا و شتومەکان و دسەر ڤان هەموویان را بریارێن ترەمپی ژی هاتن سەر لسەر زێدەکرنا باجێ لسەر هەر کەل و پەلەکێ ژ کەنەدا بو ئەمریکا کو بۆ ئەگەرێ شکەستنەک دن یا مەزن لسەر ڤی وەلاتی. ئەڤان هەموو ئەگەرا د گەل تێکچوونا پەیوەندیێن نێڤ نەتەوی کەنەدا گەهاند ئاستەک ترسناک. ترس گەهایە وی ئاستی کو ترەمپ د بێژە ئەزێ کەنەدا بکەم ویلایەتا ٥١ ێ سەر ب ئەمریکاڤە.
کەنەدا یا ل ئاستەک مان و نەمانێدا دژیت گەر ئەڤ هەلویست و بریارێن نێڤ نەتەوی و ترمپی چ گهورین بسەردا نەهێن دبیت ببە ئەگەرێ تێکچوونا سیستەما حکومرانیا کەنەدی. وەکو دیار گەر پارتا کونسێرڤەتڤ شیا دەنگان و سەرکەفتنێ بدەست خوڤە بینە ل هەلبژارتنێت ڤان دوو مەهێن بێن وەرنکرن و وەرارەک ئەرێنی بێخە ناڤبەرا خۆ ئەمریکا جیران دا و جارەک دن توندیا وان لسەر کەنەدا کێم بکە و سوودی ژ خەلەتیێت لیبرال وەرگرە بگهورە بۆ ئەنجامێن پوزەتیڤ دبیت گهورینەک ئەرێنی بکەڤە کاودانێت وێ، گەر نە کەنەدا دبیت د ناڤ هاوکێشێن سیاسی یێن لێکڤەکرنا هێز و دەستەلاتێ د ناڤبەرا هەردوو زلهێزێن دونیای کو دبنە ئەمریکا و رۆس کەنەدا بمینە وەلاتەک سەر لێ شێوای وەکو گەلەک وەلاتێن ئەورپی کو ئەڤرو د وی کراسیدا دژین.
