محمد مراد
پروژێ روناهی، پروژەکێ نیشتمانی یە خەونا مللەتێ کوردە، ئەڤه 34 سالە ئەم یێ بو روناهی یێ دنالین، کو ناڤ مالێن مه ببن روناهی، و بەلا مە ژ (سرکێتا) ڤە بیت، هەرە سرکێتی راکە هات خوار، کارەبا نیشتمانی هات، تشتا هەمیا بەردەنێ، بڪەن غار تشتا ڤە مرینن، زێدە باری دەنگێ مولیدا و دویکلێ پیس، ب سەر گەرەك و باژێری دا، هە روژ قەرە بالغا مەیه، واتی کێمە و مولیدا زوی نابەردەنێ،،،،،،
ڤێ هەیڤێ حەقێ مولیدا گرانه، غەدرا کرین، هزار و ئێك ئاریشێن دی یێن روژانه د هلکرن و ڤە مراندنا مولیدا دا، زێده باری دیمەنێت نەجان ب کولان و سیك و دوکان و سوتینکێت کارەبێ ڤه، ل هندە جها تێل وایر وەك تەڤنێ تەڤن پیرکێ یێت لێ هاتین هزار وایرە یێت لێك ئالزین، و ل هندە جها وەك هێلاینا قڕا یێت ل هاتین، جارێ (بسم الله) پروژە نویه و ل چەند گەرەکێن باژێرا دا، چێ بوینه هێشتا هەیفێن خو خلاس نە کریه، یا دبیته هەرا و هوڤا هنده میدیا و سایت و سوشیال میدایا دکەنه هەوا و هزار بەندا دئێنن خرابه و تالانکرنە، باشە هێشتا دەسپێکە و د مالاته بخو ژی دا کارەبا پروژێ روناهی نینه، یان نەگەهشتی یە باژێرێ ته یان گه رەکا تە تو هندە پروپاگەندا دکێ، کو شەلاندن و تالانڪرنه،،،،،،،
باشە ما مەعقۆله پارێ کارەبا مالەکا ئاسایی بگەهیته 400 هزار، وەسا نینه ل جیهانێ هەمیێ ئابوری د کارەبا دا دکەن، چاڤ بدت جیرانێت مە تورکیا و ئیرانێ هەتا ئەگەر بچن دەست شویەکێ کارەبێ هل دکەن و دڤەمرینن، ئەم د حەوش و ژدەرڤەی خانی دکەین گلوپ بو مەدحە و مەزناتی، نوکه دێ بیته کارت، ته چ پێ چێ بیت دێ وێ کەی دوو ئەمپێر بن یان هەشت ئەمپێر دێ بوخو دا نینن. پارێ مالێن ئاسای ئەگەر ئابوری بکەن، ژ پارێ مولیدە و کارەبا گشتی زێدەتر لێ ناهێت، راسته دبیت هندەك هەلا هەلا دکەن، ئیدی نەشێن سەخته کارییا دکارەبا نیشتمانی یا پروژێ روناهی دا بڪەن، گێسنێت ئاسنی بکەن، تانکێن ئاڤێ دا، دا گەرم بکەن ،،،،،
چ هەرایه بهێلن باژێر و مالێن مه روناهی ببەن، وەکی پروژیێ هژماری من هەراو هەلا هەلا هاتە کرن، دونیا خراپکرن، پروژیێ هژماری من، کرن جیا و دێ خەلکێ شەلینن و قەد هزر نە دکرن هاتو چو کارتەکا بانکێ یه، کو تو ب ئازادی موچێ خو وەربگرێ و بار سڤکیەکه بو گه لەك کاروبارێن تاکی د دبازاری دا، بکار بینی و تو ئازاد کری کا تە کیش بانك دڤێت بخو هه لبژێره، ئەڤرو چی یێت مت بوین، نوکە ژی هەر خێزانەك یان مالەکا دزانیت کا پێویستی ب چەند ئەمپێرێن کارەبێ هەیه، دێ وێ کارتێ بو خو کریت و ئابوری تێدا کەت، ئێدی نه خودانێ مولیدەی دهێتە بەر دەرگەهێ تە و نە یێ کارەبا نیشتمانی، هه ر تشتێ باش و دبەرژەندییا خەلکێ و مللەتی دا بیت، هندەك دێ بنه دژ و پاشی دێ خولسەر بێ دەنگ کەن و کنه هەرا و هەلە هەله، تنێ دا خەلك رەت بکەن،و بمینن د نەخوشیادا و دا مفایی ژ لایێ سیاسی ڤه ژ هەژار و فەقیریا و خەلکێ ببینن،،،
