وەستییام
بارێ عەشقا تە گرانە
ئەز بدووڤە وەستییام
من ھەرگاڤ سینگێ خۆ تە ددا چیا
کەڤڕو بەر لگەلیێ زیلان گرێل دکرن
گەلی و نھاڵ و ژێھەلیک و
ژووردانیک
من دبڕین و لتەدگەڕیام
تەمەن و ژیانا خۆ
من کربوو وەخفێ عەشقا تە
من چ گرنگی و پیتە پێ نەددا؟
ئەز کرێکار و سەپانێ زەڤی و بیستانێن ئەڤینا تە بووم
من دکێلان و شین دکرن
ئەز شێت و شەیدایێ ئەڤینا تە ببووم
من ھەمی تشتێن دی لپشت خۆ ھێلابوون.
ھەر ھینگێ من حەز و ھەستێن خۆ
ھەڤسار کربوون و گرێدابوون
دا بدووڤ عەشقەکا دی نەکەڤن
من دەست ژ ملزاتێن ژیانێ بەردەبوون
من تۆ ژخۆ خۆشتر دڤیای
تۆ دفەرھەنگا عەشقا مندا
خوداوەند بوی!
ئەڤ عەشقە ھەمی تە بعانەکی ژی نەکری!،
ڤێجا بەسە ئەز وەستییام ؟
دێ دەستا داھێلم
دێ ڤیانا تە مێژوویەکا تەحل و
لپشت خۆ ھێلم
تە گەلەک ئەز ماندی کرم و ئێشاندم
تە ژیانا من ھەمی درەشی ھلاند
ددەستێن نەمەردادا پەریشان کرم
پشتی حەقیقەتا تە بۆ من دەرکەفتی
تۆ ھەڵا مەتەک بوی تە ئەم دخاپاندین !
ھەر زوو تەدەست ژ رێبازا عەشقێ بەردان
تە ھەمی ھەڵویست فرۆشتن
تۆ نەبوویە ئەم بارانا من دڤیا
تۆ تەنھا وتەنھا عەورەکێ گڕ گڕی بوی
چ ژتە نەھات و چ گول بگڕ گڕا تە شین نەبوون؟
تۆ بپیاڤە چوویە سەر ھیڤی و ئارمانجا
تە شکاندن و پەلخاندن
تە شکۆیا عەشقەکا پاقژ شکاند
تە ھەمی پرسیارێن ئەڤینێ ھێلانە
بێ بەرسڤ و تە نڤاندن
تە پیرۆزی کرنە کەلەخ و تە داسەر
ئەڤە چ جۆرە عەشقە تۆ دکەی؟
تە رێک بۆ تێکرنا حەزێن خۆ شەقاند
ھەرە ئەز ھند لدووڤ تە دھێم
دەمێ ھاتی ئەز ژی پەیڤا خۆ بێژم
ئێدی نەشێم من ھەر تۆ بڤێی ؟
ئەز ھلوەریام من ھێزا ھێش قوربانیا نینە
ئەز وەستییام ئەز وەستییام !
…
زوھێر کورەمارکی
١٠/٣/٢٠٢٥
