پێنجشەممە, نیسان 3, 2025
spot_img
سەرەکیسیاسی11 ئادارا ئیراقی و 11 ئادارا سووری!

11 ئادارا ئیراقی و 11 ئادارا سووری!

شانیارێ مزووری

ئه‌ڤه‌ ئێدی مه‌ سه‌رێ‌ وه‌ریسی گرت، ئێدی سه‌ركوتكرنا جاران نه‌ما، ب ساخی بنئاخكرنا زارۆك و دایك و پیروكالێن كوردان به‌ر ب نه‌مانێ‌ ڤه‌چوون، به‌لكو ژ پێش 55 سالان ژی مه‌ ئه‌و سه‌رێ‌ وه‌ریسی گرتبوو، ئه‌و داڤ بوو یا كو مه‌لا مسته‌فا بارزانی ژ كۆمارا كوردستانا مهابادێ‌ و شۆرشێن بارزان ڤه‌گرتی و ئینایه‌ قادا خه‌باتێ‌. چونكو د بیاڤێ‌ سیاسی دا دبێژن دیرۆك خۆ دوباره‌ دكه‌ت، به‌لێ‌ ڤێ‌ جارێ‌ ئه‌م دكارین بێژین ئیعجازه‌كه‌ د درێككه‌فتنێ‌ دا، ل وه‌خته‌كی ئه‌م یێن ئاهه‌نگان بۆ هه‌لكه‌فتا 11 ئادار خۆ.. 11 ئادارا مسته‌فا بارزانی ل كوردستانا باشۆر دگێڕین، داكو پسمامێ‌ مه‌ یێ‌ رۆژاڤا كاك مه‌زلۆم عه‌بدیێ‌ كۆبانی؛ مه‌ سه‌رسۆرمان بكه‌ت ب هه‌مان هێڤێنێ‌ مسته‌فا بارزانی یێ‌ ب پێنچ سالان ل سه‌ر یۆبیلا خۆ یا زێڕین بۆری، 55 سالێن ره‌به‌ق، ب دانپێدانه‌كا ب تێكۆشین و ب هێز و شیانێن حێلا ملێن خۆ، ئه‌م ژ وێ‌ كۆله‌داریێ‌ ڤه‌گوهاستینه‌ قووناغه‌كا دیتر، كو نه‌ته‌وه‌ییا مه‌ ده‌نگ و ره‌نگێ‌ خۆ هه‌بیت به‌رێ‌ بنیاتێ‌ خه‌ونا هه‌ر نه‌فسه‌كا كوردی بیت، كو پشتی هینگی بوویه‌ فیدرالیه‌ت و ئه‌و فیدرالیه‌ت بووینه‌ هه‌جینه‌ك د ناڤبه‌را فیدرالیێ‌ و كۆنفیدرالیه‌تێ‌ دا و ئه‌ڤرۆ ئه‌م بووینه‌ حسێبا ده‌وله‌ته‌كێ‌ د ناڤ نه‌ده‌وله‌ته‌كا ته‌مام دا!.
ئه‌ڤرۆ بوو یان دوهی بوو، گرنگ 11 ئادارا مه‌ بوونه‌ دوو 11 ئادار، كو بۆ جارا ئێكێ‌ یه‌ ل وه‌لاتێ‌ سووریێ‌ دانپێدانه‌ك ب جه‌مسه‌رێ‌ كوردی دهێته‌ كرن د ناڤبه‌را سه‌رۆكێ‌ نوو یێ‌ سووریێ‌ ئه‌حمه‌دێ‌ شه‌رع و سه‌ركرده‌یێ‌ كورد مه‌زلۆمێ‌ كۆبانا ره‌نگین. ئیمزا ل سه‌ر مه‌رجێن خۆ كرن.. ئه‌م دلشاد كرین و پیێن من و قه‌ده‌مێن من خۆ ل ئه‌ردی نه‌گرتن. ئه‌ڤ گۆتاره‌ ژ ده‌رئه‌نجامێ‌ كه‌فته‌ رۆژه‌ڤێ‌.. بێگومان دوو 11 ئادار باشترن ژ ئیكێ‌، دو كیانێن كوردی باشتره‌ ژ كیانه‌كی.. دو ده‌وله‌تێن كوردی باشترن ژ ئێك ده‌وله‌ت! ب هیڤینه‌ دویێن دی ژی ئه‌م ب چاڤێ‌ سه‌رێ‌ خۆ ببینین ل بن سیبه‌را مه‌رجه‌عێ‌ كوردان یێ‌ مه‌زن یێ‌ كو نها لایه‌نێ‌ به‌لانسێ‌ ل ده‌ڤه‌رێ‌ رادگریت.

سەرنج و تێبینی

هیڤییە کومێنتا خۆ بنڤیسە
ناڤ

پێنگاڤ
پێنگاڤhttps://www.stepmagazine.org
گـۆڤـارەکـا سـەربـەخـۆ گـشـتیـیـە، ل وەلاتـێ کـەنەدا دەردکـەڤـیـت.
بابەتێن پەیوەندیدار
- Advertisment -spot_img

نویترین