ثینگاڤ
کەلگاری – ٢١ شوات -٢٠٢٥.
بداخ و پەریشانیەکا مەزن ئەڤرۆ نووچەیێ خۆرتەک کوردی یێ دن ل باژێرێ کەلگاری – کەنەدا بجڤاکا کوردی گەهشت، وەکو هاتی زانین کو خورتەک بنڤاڤێ شورەش علی کو د ژیێ نیڤا ٢٠ داندا بوو بکاودانەک تەم و مژوی ژیانا خۆ ژ دەستدایە بێی کو کەس وکارێن وی بزانین ئەگەرێن دورستی چ بووینە. ژ هەژی گووتنێیە نووچەیێن مرنا خۆرتێن کورد بەردوام تێت بهیستن ل سەرانسەری کەنەدا، هەر بۆ زانین ئەڤە خۆرتێ ٨ ل باژێرێ کەلگاری د کاودانێت تەمووکیدا دمرن و نێزیکی ١٦ کەسانە ل سەرانسەری ئەلبێرتا کو هەموو ژی د تەمەنەک گەنجدا د ناڤبەرا ژیێ ٢٠ هەتا ٣٠ هان بووینە. دیارە خۆ کوشتنا گەنجان ل گەلەک وەلاتان ژ وانا کەنەدا ژی یا بەربەلاڤە ژ بەر چەندین ئەگەرێن جدا جدا، لێ هەموو رێژەییە دناڤا کومەلێن توخمێن جدادا. لێ بۆ کومەلە ژ چەند هەزارەکا کێمتر مینا کومەلا کوردان ئەڤ رێژەیە گەلەک یا بلندە، لەوان گەلەک فەرە پرسەک ل ژ لایێ وان بنکەیێن خۆ ئانینە پێش وەکو کومیتە و بەربژێرێن خەلکی مینا کومەلا مالا کورد و بنگەهێ دیاسپور د گەل دام و دەزگەهێن پولیس و رێکخراوێن بەرپرسێن جداجدا دناڤا سیستەما کەنەدا و ئەلبێرتا د گەل خێزان و مالباتێن کوردان بێن تاوتووکرن، دا کو هەر چ نەبە برەنگەک فەرمی و تەندروستی پرس لڤی بابەتێ جەرگ هژێن بێت کرن ئەگینا بەردەوامیا وێ کومەلە وێ خۆسارەتێن مەزن بدە و نەکو ببە چاندەک ناڤ گەنجێن کوردا مینا گەنجێن بێیتڤ (خۆیین) ڤی وەلاتی.
