ناجح بێجانی
تێگەها مە بۆ بەختەوەریێ چیە؟ مرۆڤ دێ چەوا بەختەوەر بیت؟ پشتی کو ژدایکبوونا هەر ئێک ژمەو پاشی دچەندیێن قووناغێن ژیانێ ڕا دەرباز دبن ودەستپێکا ژیانا خوە گەلەک یێ گەشبینەو دڤێتن وەسا بت، داکو بەردەوامیێ بدەتە ژیانێ، هەتا کو دگەهیتە ژیەکێ گونجای و ئێدی هزر ل هندێ دکتەڤە چەوا ب بەختەوەری بژیت و ژیانەکا پڕی خۆشی و ئارامی وڤیان و حەزژیکرن ودوور ژ کەرب و کینێ وخۆسەپاندنێ, ئەڤە دی بیتە شەنگستەکێ موکم کو مرۆڤ کەسایەتییا خۆ لسەر ئاڤا بکەت و بمینت بهێز، دبیت ب ساناهی بدەستڤەنەئێتن، لێ دڤێتن مرۆڤ خودان هیڤی و ئارمانج بت هەول بدەت چونکو هندەك کەس یێن هەین هۆسا هزردکن بدەستڤەئینانا باوەرنامەکا بلند وپلەک بەرپرسیارەتیێ، پارە ومالێ دنیایێ، زەنگیناتی، خانی و ڤیللە، مزرەعە، ترۆمبێلێن گران بها و گەشتێن بەردەوام ژئەڤێ وەلاتێ بۆ ئێکێ دیتر دێ بەختەوەربتن، یانژی ئەو کەسێن بەرنامە وپلان بۆ خۆ دەیناین و باوەری بۆ دورست بووی و ئێدی پێنگاڤان بۆ بهاڤێژن، بەلکو هندەک ئارمانجێن وان یێن دەستپێکێ و لاوەکی ب دەستڤەبین و داخوازێین وی یێن کەسۆکی جێبەجێببن، لێ ئەڤە نە بەختەوەری یە، دبێتن بەختەوەری جودا بت ژ ئەڤا دمێشکێ مرۆڤان دا، چ ل مالیێ دنیایێ بکم، ئەگەر ئەز ئارام نەبم و نەشێم هاریکاربم بۆ ئەو کەسێن پێدڤییا وان ب مرۆڤی و دەستێ هاریکارێی بۆ دڕێژنەکم د دەمێ پێدڤی دا، چ لێبکەم هەگەر ئەز دناڤ گێلەشوک و گازندیێن ژیانێ دا بژیم و دفن بلندی و فێلبازی وخۆمەزنکرن لسەر خەلکێ خۆبایی بم و جڤاکی ب کێمی ببینم، هەر وەکو ئەز ژ هەر کەسەکی باشترم ئەڤ مەزناهی خۆبایا من دێ من بەرەڤ ئاقارەکێ نەچاڤەرێکری ڤەبتن، ئەڤە هەمی دوورن ژ ڕەوشت ورەفتاریێن مرۆڤان، دێ خەلک وەسا هزر کەن ئاریشەک یا د مێشکێ مروڤی دا، ژبەر هندێ دڤێتن تو خۆ ڤاڤێر نەکەی، داکو نەبیە هوکارێ دوورکەفتنا تە ژ جڤاکی ل دووماهیێ دێ ئاستەنگ د ژیانا مرۆڤی دا پەیدا بن ودێ بینی تو ب تنێی، ئەڤجا دێ چەوا بەختەوەر بی، بەلکو ب دوو ئاخفتنێن خۆش ودلڤەکر، دگەل خۆشی ونەخۆشێن خەلکی بژی، هەمی دەما بلا هزرا چاک د دلێ تە دابیت چاڤێ تە بلا ل کێماسیێن خەلکی نەبیت وەسا هزر بکە و کارو کریاریێن وان یێن باش ب هەلسەنگینە و ل قەلەم بدە، دا خەلک ب چاڤەکڤەکری ودلەک ب حەسرەت بەڕێخۆەبدنەتە، لێ ئەز دبێژم جامێری ودلپاکی و نەفسبچویکی و دناڤ تەخێن جڤاکیدا دێ پتر بەختەوەر بت، کا چاوا دلەک ئارام و لەشەک ساخلەم و ئەقلەک ڤەکری و نیشانێن مرۆڤی ب هێزو سەنگ بهێلیت دگەل هەر کەسەکی بگونجیت وژێ ڤەدەر نەبیتن، داکو تو هەست ب هەبوونا خوەبکەی، وەکو مرۆڤ دوور ژ فەخفەخێ و خۆباییێ، بشێی ژیانا خوە بۆرینی ب سەرفرازی و زانین سەرەدەریێ دگەل جڤاکی بکەی و چ لسەر تە پێدڤییە کومەلگەهـ ژی تە ڕازی بیت، داکو ب بی مرۆڤەک خۆشتڤی دناڤ خەلکێدا، جارێ ڕازیبوون ب ژیانێ ئەگەرەک سەرەکیە کو دێ هێز بۆ مرۆڤی پەیدا بت وهەر چاوا بت سپاسیا خودێ بکەی لسەر ئەڤێ خۆشیێ و ب بت پالدەرەک و تە باوەری هەبت وهندەک سالۆخەتێن تە یێن جودا دەوروبەریێن تە هەست پێ کەن و پێخۆشحالبن ب هەبوونا تە، تۆ و جوداهی ژ کەسێن دیتر ئەڤەیە ڤەدگەریت سەر کەسایەتییا تە ب خوە، کا چاوا دێ سەرەدەرییێ دگەل کاریێن خوە یێن ڕۆژانە کو بسەلمینی ب کریار و ئاخفتنێن تە یێن باش تو جودای و تە دڤێت بەختەوەر بی، هەر دەما تە هزر کر تو ئێکی ژئەڤێ خەلکێ، هینگێ دێ شێیی خوە بینی تو بەختەوەرو دەما تو ژ ژیانا خۆ ڕازی بی و کرنۆشا بۆ خودایی مەزن ببی و هەر ئەوە مروڤی بەختەوەرو سەرفراز دکەت ل ئەڤێ جیهانێ.
