زوھێر کورەمارکی
ئەم ھەمی دزانین ئەدیب و نڤێسەرێن مە یێ دقەیرانا چاپکرنێ دا دکەلەن،ھەر ئێکی چەند پەرتووک لبەر دەستن و نەشێت چاپ بکەت؟ھەمی گلەوگازندا دکەن دبێژن کەس خۆ لپەرتووکێن مە ناکەتە خودان و ھاریکاریا مە ناکەن،داکو ئەم ژی پەرتووکێن خۆ چاپ بکەین و بەرھەمێن خۆ بچاڤێن خۆ ببینین.راستە لڤێرە و وێراھە ھاریکاریا ھندەکا یان ھندەک پەرتووکێن گرنگ و خودان رەھەندێن تایبەت دھێتەکرن،بەس بدیتنا مە ئەڤە نابیتە پیڤەر کو ھاریکاریا ھەی.لەومانێ ئەم ھوسا دبینین مادەم دەولەمەندو ئەندام پەرلەمان و ھندەک فەرماندە،کو خودان داھاتییەک باشن ئەو ژی وەکی پێدڤی ھاریکاریا نڤێسەرا ناکەن یان ھندەک مەرجا دداننە بەردەستێ خودانێ پەرتووکێ تاکو بۆ وی وێ پەرتووکێ چاپبکەن،دا کو بئینساف باخڤین یێن دھەین ھاریکاریێ دکەن بەس مەرەمامەبگشتی،دکێمن یێن ھاریکاریێ دکەن.لەوما لڤێرە گازی جھێن پەیوەندیدار و دەولەمەندو خودان داھاتێن باش دکەین بدووڤ گازیا خودان پەرتووکا وەرن وپشتڤان و ھاریکاربن دگەلدا بلا کێم ژی بیت یان بنیڤ نیڤە ژی بیت،چونکی گەل و مللەت و دەولەت بخاندن ونڤێسینێ پێشدکەڤن و زێدەبوونا پەرتووکا و چاپکرنا وان دێ بیتە فاکتەرەک بھێز خاندەڤا پەیدا ببیت،دەمێ خاندڤان پەیدا دبیت،دێ نڤێسەر پەیدا بن و دێ خێزان و جڤاکەک و مللەتەکێ رەوشەنبیر پەیدا بیت،گەرئەڤە پەیدا دێ گەلەک قەیرانێن مە چارەسەر بن،چونکی رەوشەبیربوونا جڤاکی دێ دەرگەھێن گەلەک قەیرانا گریت و دێ چارەسەریێن باش پەیدا کەت و ئێدی ئەدیب و نڤێسەر ژ نڤێسینێن خۆ بێزار نابن و دێ بەردەوامیێ دەنە کاروانێ خاندن و نڤێسین و چاپکرنێ. گەر ئەڤە چێنەبوو،ئەم پێشنیار دکەین ھەمی ئەدیب و نڤێسەر ھاریکار و پشتەڤانێن ئێک بن،گەر ھوون چەوا ؟دەمێ نڤێسەرەک پەرتووکەکا خۆ چاپ دکەت و ئیمزا دکەت بلا ئەم ھەمی یان بارا پتر نڤێسەر ل رۆژا ئیمزاکرنێ ئامادە ببن و وەک پشتەڤانی و ھاریکاری،ئەم ھەمی پەرتووکا بکرین،خۆ ئەو قەبیل ژی نەکەت ئەم بێژینێ ئەم دێ ڤێ کەینە نەریتەک دڤێت ئەم ھەمی پێگیریێ پێ بکەین پەرتووکێن وان بکرین داکو ئەو مەزاختیێ وی ژ بەریکا خۆ کری،ھەر چنەبیت ھندەک بۆ بزڤریت،ھەکە ئەم نڤێسەر ڤێ دگەل ئێکودوو نەکەین خلاس بلا گازندێ ژ کەسێ ژی نەکەین. ئەرێ ما ئەڤا ئەز دبێژم دناڤبەرا مە نڤێسەرادا گەلەکا بزەحمەتە ئەم نەشێین بکەین؟ ئەگەر مە ئەڤەکر دێ ژ قەیرانا چاپکرنێ رزگار بین، ئەگەر راستە ئەم ئەدیب و نڤێسەرین دێ وەرن دا ئەڤێ بکەینە دیفاکتۆ و کەتوار و بچەسپینین.
