Salim Al Shawani
Heke / Saliê Rengînê
Heke Reşo bim tu Xens î
Heke seyran bim tu wens î
Heke Şingal bim tu Kers î
Tucar ez ji te qutna bim
Heke Siyamend bim tu Xec î
Heke tewaf bim tu Hec î
Ji bo min tu yareke qenc î
Tucar ez je te dûr nabim
Heke tu Leylî ezi Mecnûn
Tu yî bo min hebûn û nebûn
Piştî te hiş ji serê min çûn
Tucar ez terka te nakim
Heke tu zînî ez Mem im
Heke tu dewranî ez dem im
Heke xemgîn bî ez xem im
Tucar ez ji te dûr nabim
Heke tu Şêrînî ez Ferhad im
Heke Kurdistanî ez Mehabad im
Heke dilxoş bî ez dilşad im
Tucar ez dev ji te bernadim
Heke Edûlî ezim Derwêş
Ji eşqa te mejî bû ye bi êş
Yek li ber çava di bê şeş û bêş
Tucar ji evîna te têr nabim
Heke Temo bim tu Xezal î
Heke ronî bim tu şemal î
Heke xanî bim tu jî mal î
Tucar ez ji te qut nabim
