خەلات حسێن
عاشقم دلبەر خانم حبیبیم
دلبەر ژدیتنا تە غەریبم
خانم تە کوشتم دلبرینم
حبیبم غەریبم دلبرینم بێ نصیبم
تایبەتمەندییا ئەڤێ پارچە هەلبەستێ د ئەوێ چەندێ دایە، کو ب ستونی و ئاسۆیی دهێتە خواندن، ئەگەر ژ پەیڤا ئێکێ یا هەلبەستێ ژۆردا بهێینە خوار نیڤە دێرا ئێکێ (عاشقم دلبەر خانم حەبیبم) دەر دکەڤیت، پەیڤا دوویێ نیڤە دێرا دوویێ دەر دکەڤیت، هەلبەت نڤیسینا ئەڤی جورێ هەلبەستێ نەتشتەکێ وەسا ئاسانە، ژ هەژی گۆتنێ یە، نموونەیێن ل سەر ئەڤی قالبێ هۆزانێ د زمانێ کوردی دا دکێمن، ئەڤە شێوەیەکە ژ چارینەیێ، مخابنیڤە چ پەرتوک و ڤەکۆلین ل بەردەست نەبوون باس ل ئەڤی شێوازی کربیت، بەلێ ل گۆرەیی پێزانینێن من و لێگەڕیانا من، ئەڤ شێواز (جور) ێ چارینەیێ، قالبەکە ژ هۆزانا کلاسیکا فارسی، بۆچوونەکا دیتر هەیە د بێژیت: (د بنەرەت دا ژ شعرا عەرەبی هاتییە وەرگرتن، ژ عەرەبییێ دەربازی ناڤ شعرا کلاسیکا فارسی بوویە) هندەک ژ هۆزانڤانێن کورد ئەڤ شێوەیێ هۆزانێ نڤیسیییە، وەک (مەولەوی، پیرەمێرد…) ژ هەژی گۆتنێ یە، ئەڤ پارچەک هەلبەستا من یا دویر نینە ژ کێماسییان، بەلێ من هەوڵداینە ل گۆرەیی شیانێن خۆ کێماسییان تێدا نەهێلم (کێم بکەم)، چاوانییا نڤیسینا ئەڤی جورێ هەلبەستێ، نیڤە دێرا ئێکێ دبیتە بناغە ژبۆ هەمی نیڤە دێرێن دیتر، هەلبژارتنا پەیڤان د ڤێت ب هۆشیاری بیت، هۆزانڤان (نڤیسەرێ هەلبەستێ) نەشێت بشێوەیەکێ بلەز ئەڤێ هۆزانێ ب ڤەهینیت، چونکی پێدڤی ب هزر کرن و شارەزیی و هویر بینییێ یە. واتایا هەلبەستێ: د ئەڤێ هەلبەستێ دا دیالۆگەکە د ناڤبەرا عاشقی و مەعشوق ی دا، عاشق ڕەزیلی و زەلیلیا خوە ژبۆ یارا خوە دیار دکەت، و دبێژیتێ: ئەی یار (ئەی خانم) ئەز عاشقم، عاشق نابیت ژبەر دویر بوونا یارا خوە هۆسا یێ ڕەزیل و زەلیل بیت، دیار دبیت کو ئەڤە دەمەکێ درێژە یارا خوە نەدیتی یان دبیت ژی دەمەکێ کورت بیت کو یارا خۆ نەدیتی، بەلێ ئەو دەمێ کورت ل بەر غەریبی و حەز ژێکرنا عاشقی یا زێدە ئەو دەم درێژ بوویە، عاشقکەرەمدکەت و دبێژیت: خانم تە کوشتم دلبرینم، ئانکو؛ ژبەرکو ئەڤە دەمەکە من تو نەدیتی، ئەز ژ ئاگرێ غەریبیا تە وەکی کوشتیان لێ هاتیمە (ئانکو غەریبییا تە ئەز یێ کوشتیم)، دلبرینم؛ دەرمانێ دلێ من دیتنا تەیە، هەلبەت من ل دەستپێکێ ژی ئاماژە پێکر کو ئەڤە (دیالۆگەکە دناڤبەرا عاشقی و مەعشوقی) دا، بەلێ یارا عاشقی ب بێدەنگییا خوە بەرسڤێ ددەت، ل ئەڤێ درێ ئەو بێدەنگییە ب واتایا نەهاتنێ یە، (حەبیبم غەریبم دلبرینم بێ نەصیبم) هەمی ئەڤ پەیڤە دەربڕینێ ژ نەخۆشییێن کو عاشقی دیتین دکەت.
