هۆ خابیرۆ چما؟
ڤان شەڤێن بهارا تو یێ بێ دەنگی و ما قەیی تە گۆل دەنگۆ و پێژنا ڤان رێڤینگێن رێکێن دویر نابیتین ،ئەوێن هاتین سلاڤەکا وەفاداریێ بگەهین تە، کا چاوا بەری چەند شەڤێن بۆری تە سێنگێ خۆ یێ پڕ دلۆڤانی ڤەکرۆ هێدی هێدی ئەو دەنگ وپێلێن تە یێت دژۆار و (بترس و سەهم )تە گۆهارتین بۆ وان ئاوازێن غەمگین و جاران ژی دل ڤەکر ، ب چی دەنگ ورەنگ بۆ گۆهێن وان دهاتین ڤەگۆهاستین و دەنگ ڤەددا، دیسان یێت هاتین بەژنا خۆ ژ تەرا بچەمینین ،نە تۆ ئەو نەبووی ل کۆچک و تەلاڕا د ژۆرێن گەرم ڤی تو گۆنەهبار دکری ژ بەر کۆ دچیرۆکێن ئەفسانەیی دا وەسا دهاتە گۆتن وڤەگێران هەرکەسێ دخاست ل تەببا مێهڤان دوان (پێلەو زفرۆکان ) دا دهاتە خەندقاندن ژبەر کو دگەل بەژن و بالا تە هەڤدژ بوون ،لێ پشتی وان تو دمێشکێ خۆدا باش خاندی و شڕوڤەکری ئەنجام ئەو نەبوون ،دەمێ د ژۆرێن گەرم ڤە تو پێناسە دکری هەمی کارۆ کریار بەرۆڤاژی دهاتین گۆتین ، ئەڤجا خابیرۆ تۆ ب وێ مەزناهیا خۆ و بەژنا خۆ یا بلند و ئاڤا زەلال و دل ڤەکر بکی وەرە د ا ب هەڤڕا دەست بدەین هەڤ ئەم ژ ی ژڤێ ڕێڤینگیێ و دەردەسەریێ قورتال ببین و تۆ ژی ب ڤێ دلۆڤانیا خۆ ژمەرا ببە دوست وهەڤال….
