هەلبەست: سەربەست بۆتی
23/ 4 / 2024
رەخنێ ل جڤاتا و دیوانا
چجار ل کەسەکی نەکە
کێماسیەک هەبیت وانا
لناف خەلکی دەست نیشان نەکە
دانەشکێنی هەستێ وانا
ئەوێ رەفتارێ دگەل نەکە
بگرە قیمەتی بو وانا
بوتەژی رێز و سەنگەکە
دیدارێ بتنێ دگەل وانا
ئەوێ شاشیێ چارەکە
تەماشەکەیە ئەزمانا
هەستی نینە پارچەیەکە
هەستی شتکێنیت ژپەیڤ و تانا
ژێدیر بکەڤە ئەوێ نەکە
کارێ دل رەش و نەزانا
شەرمزاری و گونەهەکە
مروڤێن ئاقل و فاما
گرێکێ بدەستێن وان ڤەکە
سەربورا بگرە ژوانا
دەرگەهێن کەربێ ڤە نەکە
ژیانێ سنورەک دانا
وی سنوری دەرباز نەکە
نەلادە ژسوز و پەیمانا
بەرپەرێن سپی رەش نەکە
گوتنێن ببها وەک مەرجانا
بوتە سەرفەرازی یەکە
تو نە گەهینە زیانا
رابردویێ خو ژبیرنەکە
بناڤێ رەخنێ و ترانا
بتیرا کەس بریندار نەکە
وەک بالندێ بلند فری
دچاڤاداخو بچیک نەکە
لجهەکێ ئارام و تەنا
لبەر بارانێ خو تەر نەکە
باشترینە هەمی خارنا
خوێ یا خو لناف نەکە
بهانە گوتنێن مەزنا
زانین و پەروەردەیەکە
رێکا راست و درست دانا
ئەوێ رێکێ هندا نەکە
دڤەهینم ڤان هوزانا
بوتاریێ فەنەرەکە
دانەکەڤیە دەرد و ژانا
پەیڤا جوان باخچە یە کە
پاڤێژە کەرب و نەڤیانا
هێشتا یێ گەنج خو پیرنەکە
خوبکە نوژدارێ برینا
یان ژی برینا کویر نەکە
نەگەرە ل تولڤەکرنا
شاشیێن بچیک ژ بیرکە
ئەگەر نەبە ل تورەکرنا
وەک ئاگری خوژێ دیرکە
بەری گوتنێ و بریار دانا
دگەل ئاقلی هزرێن خو هیربکە
