سەربەست بۆتی
شەرێ مەزنێ داستانا کانی ماسێ
شەرێ مەزنێ داستانا کانی ماسێ
مێرخاسا شەرەك گران کر
داستانەک مەزن تومارکر
بو وەلاتی جان قوربان کر
بخوین کانی ماسێ رزگارکر
بگیانێ ئەڤان شەهیدا
سەرکەڤتن دئەوی دەمیدا
دربەک مەزن لدوژمنی دا
لناف جیهانێ ڤی دەنگی دا
پێشمەرگەی حەفت شەهید هەبون
دوو ژی بەرگری مللی بون
چاردەژی هاوەلاتی بون
جانفیدایێن مللەتی بون
سەرکردێ رێبەرو زانا
پلنگێ چیا و زوزانا
شەهید محمد صالح بۆتی
ژخەما دادرێژم هوزانا
پێشمەرگەهێ بیرو باوەر
ل شەری نەبەردا چەپەر
شەهید یوسف صالح کوچەر
مێرخاس و نیشتمان پەروەر
شێرێ گەل و مللەتی بو
شەهید وەصفی بێدهی بو
روژێن گران لناف شەری بو
ئارمانج ماف و ئازادی بو
شەهید علی شکری جهوەر
ناڤێ تە ما سەرفەراز هەر
پلنگێ شەرا و تێکوشەر
شورەشڤانێ خو گوریکەر
سید یاسین عبدالغفور
کانی ماصێ رێت خوینا سور
بو سەربەستی و خاک و سنور
چەلەنگ و دلسوز و بسپور
شەهید کاک نبی هروری
تەجانێ خو کرە گوری
تەژ خاکا خو کر بەرگری
سەرفەراز چویە ناف گوری
پێشمەرگەنە چەک هەلگرن
لکانی ماصێ هێرش کرن
داگیر کەرێن کوردستانێ
صالح سەلیم شەهید کرن
دوو چەلەنگێن دی شەهید بون
هەردوو بەرگری مللی بون
شەهید مصطفا حسێن و
عزیز محمد توڤی بون
پێشمەرگەهی هێرش کرن
نه هسەدوو بیست ئەخسیر کرن
مەیدان ژکوشتیا پرکرن
دەسکەفتەکێ زور راکرن
شەری حەفت روژا ڤەکێشاخخ
نەیارا زور عەسکەر کێشا
دوو فروکە ئێخستنە خار
پێشمەرگەهی وان سەرکێشا
دکەین یادا ڤێ داستانێ
تەنا بنڤن لگورستانێ
هزار سلاڤ لگورا وەبن
ئەی شەهیدێن کوردستانێ
