مھدی گلی
بەلاتینكا كیڤی كەنگی دێ چاڤێ من ب تە كەڤیت
دوماهیێ ب ژانەكا پر ژ ئێش وژان ئینیت
ئاشكرا دكەم تۆ ئێكەم و دوماهی ئەشقا منی
ب هوری بەرێخو ددەمەتە هیڤیە ل من ببوری
چونكە دترسم گوری وچریسكێن ئەشقێ بگەهن تە
چاڤێن سۆركری وخەونێن تام خوشێن تە
ببنە زیندانا خوشڤیانێ بۆ من خوشتڤیا من
دلێ تە ببیتە درندەترین زیندانا بەندكرنا من
چ سەرەدانكەر و دلئارامیێ نەبن سلاڤكەن من
خوارن نەبیت ئەشقا تە ببیت وزا لەشێ من
بتنێ ئازادكرنا من دیدەڤانیا تە پەسندە
ما ئەو چ گوتن وپەیڤە ب زەحمەت هندە وای
مرۆڤی چاوان كەسەك خوش بڤێت و زیندان بكەت
وەریسێ سێدارێ هەلاویسیت وشوربكەت
بۆ قڕكا ئەڤیندارەكێ پڕ گرێ بكەت
لێ داخوازا من یا دوماهیێ
پێشی سێدارەدان ومرنێ نەخشاندیە ب ئەڤینیێ
رازیبونا تەیە ب دلینیێ
كو ئەو بهاترە بۆ من ژ ئازادیێ
