سیلاڤ بازێرکی
کەسێ نابینا کەسەکێ کورە نینە!هەروەسا کەسێ نەخێندەوار ژی کەسەکێ کورە نینە!
گەلەك جاران چاڤێت مە خەلەتی و کێماسیێن کەسێن دەوروبەر نابینن ب تایبەتی ئەو کەسێن ئەم گەلەك حەزژێ دکەین یان ژی هەتا گەلەك جاران ئەم وان خەلەتی و کێماسیان دبینینن و دزانینن ژی بەلێ خوە رازی دکەین!
ئەڤجا ئەڤێ خوە رازی کرنێ گەلەك ئەگەر یێن هەین پتریا جاران بتنێ ژبۆ هندێ یە داکو ئەڤ کەسە دگەل مەدا یێ بەردەوام بیت ئانکوو پێکڤە گرێدانەکا سەقەت یا هەی!یا بێ ڤیان و مفا!
جاران ژی ژ نەچاری رازی دبیت بەر بەلاڤترین دیاردەیە د جڤاکێ کوردی دا هەر ژ کەڤن وەرە هەتا نهوو پترییا جاران ژی ژن بۆیە قوربانیا ئەڤێ دیاردەیێ جاران زەڵام بوینە قوربانی،ئانکوو هەمی خەلەتی و کێماسیان دبینیت ژی بەلێ بتنێ داکو ڕەوشا وی/ێ د قوناغەکا ب زەحمەت ترڕا نەبوریت یا رازیە ب ڕەوشا خوە ئانکو ژ قوناغا چارەسەریێ و ئەنجامێن وێ دترسیت
د جڤاکێ مەدا فەرمانبەرەكێ خودان شیان یێ ئامادەیە ب سفکاتی و بێرێزیا رێڤەبەرێ خوە رازی ببیت بتنێ ژبۆ هندێ داکۆ نەمینیت بێ کار!
کەسەکا دی جوان د لەیزیت هەمی پێتڤیێن ژیانێ یێن بۆ هاتینە دابین کرن!
ئەرێ ل ڤێرێ کیێ کورە یە؟
ل دەستپێکا ژیانا خوە دا مروڤ گەلەک یێ گەشبینە و ژیانێ ب چاڤەکێ دیتر دبینیت خەون و ئارمانجێن مەزن یێن هەین دبیت خودای بەشەك ژ وان خەونان پێشکێشی مە کربن
لێ ل ڤێرێ من دڤێت هەر ئێك ژمە ڤێ پرسیارێ ژ خوە بکەت(ئەرێ خوشی مروڤی فێری چدکەن؟)
گوتنەکا جوان یا هەی دەمێ دبێژن“خودێ نەخوشیان ددەتە خوشتڤیێت خوە”
(هندی مروڤ پتر نەخوشیا ببینیت دێ پتر د ژیانێ گەهیت)
نەخۆشی چاڤێت مروڤی ڤەدکەن ئێکا هند دکەن مروڤ بشێت دەوروبەرێت خوە ب باشی ببینیت،ئانکۆ خودایێ تە دڤێت دونیایێ نیشا تە بدەت ب چاڤێن تە یێن ڤەکری! ما ئەڤە نەیاش هەژی کرنوشا سوپاسیێ یە ژبۆ خودای؟،ئەڤجا اها لڤێرێ ئەگەر تۆ کەسەکێ نابینا ژی بی هزر نەکە تۆ کەسەکێ کورەی!
ئەو تشتێ ئەم فێری ژیانێ کرین و بهێز ئێخستین بتنێ نەخوشی بوون
خوشی بتنێ وەك بیرهاتنەکا خوەش دمینن
نزانم بۆ وی کەسی چبێژم یێ پتریا ژیێ خوە ب نەخوشی بوراندی لێ هێشتا چاڤێت خوە نەڤەکری نە!هێشتا د کورەبونێ دا دژیت،نزانم ئەڤە دل پاکژیە یان خشیمیە؟
ئەرێ ما تۆیێ پێتڤی چەند وانێت دی هەتا چاڤێت تە دڤی سەردەمی دا ڤەبن؟
