غیاس خالد زێباری
سەرۆك مەسعود بارزانی ژ بلی کۆ سەرۆکێ مەزنترین پارتیا کوردستانی و ئیراقی یە (پارتی دیموکراتی کوردستان ) ە و پێشەوایێ ڤی سەردەمی یێ رێبازەکا مرۆڤایەتی و نشتیمانی یە (رێبازا بارزانی) وەکی رێبەر و لێڤەگەرێ خەلکێ کوردستانێ دهێتە نیاسین، چارەسەرکرنا زۆر پرسێن سیاسی ل سەر ئاستێ کوردستانی و ئیراقێ ل سەر دەست و ب دەسپێشخەریێن جەنابێ گرەنتیا ڤان ناسنامانە، ل سەر ئاستێ هەرێمی ژی ب تایبەت پرس و ئاریشێن کوردستانی یێن بەشێن دیتر یێن کوردستانێ دیتن و بۆچوون و هەڵویستێن وی دبنە جهێ پانتایەکا زۆرا بریاران.
ئەگەر دوور نەچین بیرا خوە ل رەوش و ئاڤاکرنا ئیراقا نوو، هەر ل دارشتنا دەستووری و ئێکئینانێن زۆربەیا حوکمەتێن داهاتی یێن ئیراقێ وئارامی و سەقامگیریا ئیراقێ و پاراستن و دابینکرنا مافێن خەلکێ کوردستانێ و بەرهنگاریا هێرشێن چەکداری و تیرۆرستی بۆ داگیرکرنا کوردستانی، رۆلێ سەرۆک بارزانی ب کاریگەرترین رۆل دهێتە دیتن، ل سەر ئاستێ ناڤخوە یێ کوردستانێ ژی بۆ ئێکرێزیێ، هەردەم هەوڵ و گاڤێن سەرۆک بارزانی یێن نشتیمانی و مرۆڤایەتی بوونە، ئەو ئاریشێن هەی ژی نە ڕامانا هندێ نە کو سەرۆک بارزانی پرۆژە و گاڤ نەبوونە، بەلکی لایەنێن دیتر لدووڤ بانگەوازیێ نەهاتینە.
رەوشا سووریا یا پشتی ڕەڤینا بەشار ئەسەدی و نەدیاربوونا پاشەرۆژا رۆژئاڤایێ کوردستانێ، بوویە جهێ پسیار و مەترسیێ، چونکی زاڵبوونا دەستهەڵاتا (پەیەدێ) باشترە بێژین (پەکەکێ) جهێ پشتبەستنا وەڵاتێن هەرێمی و سازیێن نیڤدەولەتی و دەستهەڵاتا نوو یا سووری و خەلکێ رۆژ ئاڤایایێ کوردستانێ نیە و هەتا نهۆ دانپێدان پێ نەهاتیە کرن، چونکی ب هێزا چەکی و ماندەلکرنا ئەوێن دیتر و هەلبژارتنێن دیموکراسیانە خوە سەپاندی یە، پەیاما سەرۆک مەسعوود بارزانی بۆ دەستەیا ئازادیا شامێ (هەتەشە) وەکی دەستەهەڵاتدارێن سووریا لرۆژا ٧/١٢/٢٠٢٤
پەیامەکا کورت و پڕ ڕامان و نشتیمانیا گرنگە کو تێدا گرنگیەکا زۆر دۆڤچوونا ڤان روودان و گۆهڕینا دکەت، ڤان پێشهات و روودانا کاریگەریەکا راستەوخۆ ل سەر چاڕەنڤیسێ سیاسی و ئارامی و سەقامگیریا سووریا هەمی دەڤەرێ هەیە.
ل بەشەکێ دیتر دا تێدا سەرۆک بارزانی د خازیت ئەڤ گۆهڕینە ببنە ئەگەرێ دیالۆگ و لێکتێگەهشتنێ بۆ چارەرکرنا پرسا و ئەنجام نەدانا رەفتارێن دبنە ئەگەرێ ناکۆکی و ئاریشێن نەتەوەیی و تائیفی و داخازا ئاشتەوایی و رێکەفتنەکێ کریە کو د بەرژەوەندا پێکهاتێن سووریا و پێکڤە ژیانێ و ئاشتیێ و سەقامگیریێ دا بیت.
ل بەرچاڤگرتنا ڤێ پەیاما سەرۆک بارزانی ژلایێ دەستهەڵاتداریا نهۆ یا سووریا ب تایبەت پەکەکە و رێکخستنێن بن بەڕێن وان رۆژ ئاڤایێ کوردستانێ دێ ل مەترسیێن دژوان قورتال کەت و زۆر مافێن خەلکێ رۆژئاڤایێ کوردستانێ دێ هێنە گرەنتیکرن، یا ژ هەمیێ گرنگتر ئێکرێزیا نشتیمانی و خۆگونجاندنا دەستهەڵاتا رژ ئاڤایێ کوردستانێ ل گەل سیستەم و سیاسەتا ئەڤرۆ یا جیهانێ کو دیموکراسی و هەڤتر قەبۆلکرنە، ل سەر پەیەدێ پێویستە ب زۆتریتر دەم بانگەوازیا هەمی پارتیێن کوردستانی ل رۆژ ئاڤا بکەن بۆ پێکئینانا بەرەیەکێ نشتیمانی و خۆ بەرهەڤکرنا بۆ دارشتنا پەیام و پرۆژەیەکێ کوردستانێ بۆ دیالۆگ و دانۆستاندنان ل گەل دەولەتا سووریا یا نوو، چونکی پەیاما سەرۆک بارزانی ئەڤ چەندە لێ دهێتە خاندن و پەیامێن جەنابێ وی ژی پەیامێن مرۆڤایەتی و نشتیمانی نە و ل سەر ئاستێ هەرێمایەتی و نیڤدەولەتی و جادا کوردستانی جهێ باوەریێ و گرنگیپێدانێ.
