دێ چەوا زارۆیێن خوە پەروەردەکەی؟

چونکی هەر مرۆڤەکی حەزو ڤیان و  ئارمانجێن خوە هەنە، بۆ پاشە رۆژێ دڤێت ئەڤ حەزا وان بجھ بهێت و ژیانا هەڤژینیێ پێکبینن ، ڤێجا دێ ل بەندا هەبوونا زارۆا بن ، نە یاگرنگە (کوڕ یان کچ ) یا ژهەمیان گرنگتر دێ چەوا وان پەروەردەکەن، ئەو ب خوە هەست ب خۆشی وهێزێ بکن،  باوەری ب خوە هەبتین جارێ دڤێتین هەر  ژ ژییێ  (٥-٦ )ێ سالێدا کەسایەتییا وان ئاڤابکن و لسەر شەنگستەیێ  راست و دورست هێدێ هێدێ فێر بکن ،ل ئەڤی ژییێ بچویک، دا زارۆک فێری گەلەک تشتا دبن خالا جەوهەری ئەڤەیە، کانێ چەند دشیاندایە هوون وەختەکی دەستنیشان بکن ، یانژی پارڤەبکن و بەرهەڤبن  بۆ هەر پسیارەکێ ئاراستەیی وەبکن جڤاکی بیت یان گرێدایی ژیانا وان یا رۆژانە بت ، دڤێتن  هوون  راستگۆانە بەرسڤێ  بدەن و بێ دو دلی ،ئەگەر نە باش بزانن دێ ژدەرڤە بەرسڤێ وەرگرن ژ هەڤالێن خوە  چێدبیت ب رەنگەکێ شاش بت ، هشیار بن توندوتیژێ ب کار نەئێتن  دێ کارتێکرن ل کەسایەتیا وان بت ، زارۆک هندەک تشتێن نوی  دبینن، بۆ وان گرنگە بزانن چ یە، لەوما دێ بینی گەلەک جاران پسیارا دکن و گوهلێبگرن و ب دلەکێ پاک و بێهنفرەھی  پێدڤێتن  ، نەبێژنێ ئەڤە چی پسیارن، دەنگێ خوە سەر بلند نەکن و خوە دویربێخن ژ  ئاخاڤتنێن زڤڕ  ، چونکی هەستێ وان یێ نازکە و زویکا تشتا وەردگرن ، دا نەبن قوربانێن هندەک دابونەریتێن  کەڤن، وەکو دبێژن نابیتن تو گەلەک گوهێ خوە بدەی زارۆکا باشترین رێیێ دناڤبەرا وەدا دانوستاندن  و لێکتێگەهشتنە ،ئەڤە وێ چەندێ دگەهینت هوین دێ  پێکڤە شێن بەردەوامیێ ب ژیانەکا خوەش ئارام دەن، ب تایبەتی پەیوەندیێندناڤبەرا دایک و بابان دا ،ئەگەر بهێز بن ژبەرکو پتر باوەری پەیدادبیت  وزارۆ ژی هەست بڤێ چەندێ دکەن  ئەڤە ژی خالەکا گرنگە بۆ گەشەکرنا مێشک ولەشێ وان، ژ لایێ زانستی ژ یڤە ئاماژە پێدان و پشت راست دکن بەرەڤاژی ئەڤێ چەندێ دناف مالەکا پر ئالۆز ئاریشە دا کارتێکرن وباندۆرا خوە دێ هە بیت بێ ئۆمێدێ و دو دلی و نەباوەری ب پاشەرۆژێ ،هەر جارەکا ل خواندنگەهێ، یانژی هەر جهەکی پلەکا باش بدەستڤەئینان و سەرکەفتن پاداشت  ودیاریا پێشکێش بکن دێ هەولدەن خوە پتر زەحمەت دەن ،  ئەگەر زارۆیێن  وە شاشیەک ژی کر چێنابیتن  هوین سزا بدەن ئەڤە چارەسەری نینە هندەک ریێن  دێ یێن هەین دگەل باخڤین  و باوەریێ بۆ چێکەن و  تشتەک ل مالێ شکاند نابتین بهێنە سزادان  ،ژبەرکو ئەو دێ هزرکەن ئەڤە تۆلڤەکرنە ،ل پێش چاڤێن زارۆیێن خوە هەمی ئاخڤتنا نەبێژن ب تایبەتی ئەگەر ب ژیانا وانڤە گڕێدایی بت و داکوهەستێ وان تێکنەچیت ،هەمی جاران هەولبدەن دشۆلێ مالێدا یان یێ ژ دەرڤە دگەل وە هاریکار بن و هەمی جاران دەستخۆشیێ لێ بکن ئەڤە ژی دێ بیتە پالدەرەک باش هەست ب خۆشیەکێ بکن  ،دیسان دێ فێری شۆلکرنێ بن، فەرە بزانین هاتنوچوون تێکەلییا وان ب تایبەتی ژ دەرڤە ب چ جوریێن   زارۆکا ڕانە ، بلا هەتا درەنگی شەڤ ژ دەرڤەنەبن ، ب چاڤێ کێماسیێ تەماشەیی زارۆیێن خوەنەکن ،جوداهیێ دناڤبەرا واندا نەبیت ب چاڤەکێ وەکهەڤیێ سەرەدەریێ دگەلدا بکن و  د کرینا جلکان دا و لینینا خارنێ یان ژ ی بۆ هەر گەشتەکێ ژ دەرڤە ئەگەر ب هەڤڕا بن  دێ باشتر بیت ،زارۆیێن وە بلا دڵرەشی و کەرب وکین بەرامبەر ئێکدو  نەبتین هەست ب خویشک و براینێ بکن ، هەولبدەن پێکڤە وەکۆ هەڤالا بن ،لێ ژبیر نەکن دڤیا رێزێ ل وە ژی بگرن دیسان ل دەورۆبەرێن خوە ،دڤێتن راستگۆ بن فێری درەوا نەبن ب ئەزمانەکێ نەرم و سەر خوە د گەنگەشێ  و دانوستاندنان دا لگەل وان کەسێن  بەرانبەری  وان ، ئەگەر چەند کاودانێن وە یێن ئابوری ژی باش بن هشیار بن نە هەر تشتەکێ ژ هەوە  داخاز کر  بێژنێ سەر چاڤا بەلکو بێژنێ دێ هزرەکێ تێدەکەین و ،پاشی بەرسڤێ بدەن داهەست ب هندێ بکن نە هەر تشت ب ساناهی یە ، زارۆیێن  وە تووشی  نەخوشیەکێ یان ئاریشەکێ بن ، دڤێتین هوین گەلەک هاریکار بن ژ بەرکو دا دلگران نەبن ، پێدڤی  شیرەت و ئامۆژگارێن وەنە ، چوو جاران نە بێژن زارۆیێن خوە دڤێتن تو ببی فلان تشت هەر مرۆڤەکی تا ڕادەکێ  حەزۆ ڤیان و شیان هە نە  ،هەمی وەک ئێک نینن ، ڤێجا بلا هندەک جاران ژی دەرفەتێ پێبدەن ئەو بخوە هەلبژێرن داکو تێدا سەرکەڤن ب تایبەت ل  قووناغێن خواندنگەهێ مایتێکرنێ تێدا نەکن و داکو چوو ئارێشە پەیدا نەبن،ب تایبەتی دژیێ (١٢-١٨)ێ سالیێ دا دڤیا هوون ل ڤێ قووناغێ گەلەک هشیار بن ، ژبەرکو گڤاشتنێن جەسەدی   ودەروونی  ل سەر وان زاڵن و وەختێ پێگەهشتنا وانە ئەو هندەک جاران خوە بهێز دبن ،وبەرەڤاژی جاران ژی خەموکی ل دەف وان یا زێدەیە ئەڤ  قووناغە ژ هەمیان گرنگترو هەستیارترو مەترسیترە…