سەربەست بۆتی
وارێ مەیە
هەتا کەنگی داگیرکەرا دێ مەکۆژن
بێ جوداهی زاڕۆك و گەنج و پیرو ژن
ب زورداری ل ناڤ خاکا مە خوینێ درژن
چول و چیا و دارستانێن مە دسۆژن
بەسە شەرو وێرانکاری ژمە دیرکەڤن
ئەژدەهانە خەلکێ ژبەر هەوە درەڤن
ژ جهێ باب و باپیرا و شینوارێن کەڤن
یێن گوندو ملکێن خۆ دهێلن و دەردکەڤن
بەسە دوژمن هوین ژخوینا مەتێر نابن
نەتەوا کوردین چاڤێن هەوە ب مە نا ڕابن
پەیام و پاساوێن هەوە خلاس نابن
هین ناخازن گەل بەختەوەرو دلشادبن
دارو بارێن مە دبرن دکەنە رەژی
ب داگیرکاری تێنە سەر وەلاتێ مەژی
بخوینێ سورکرن هەوە دیروکا مە ژی
نە شەرخازین مەدڤێت ژیانەکا ژهەژی
پێشمەرگە خوراگرن و دبەرهەڤن
پاراستن و ئەرکێ وانا ب روژ و شەڤن
ژرێبازا کوردپەروەریێ نادەرکەڤن
بەرامبەری زورداریێ دێ بسەر کەڤن
بچەکێ گران نەیار کەربا خو دادرژی
ژ کیانێ هەرێما کوردستانێ دژی
خوشتڤی وە لبەر دلێ مە برن تژی
گەلەک زوردار نەمان دێ ئێت روژا وەژی
