فەهمی مایی
پشتی 53ساڵا.. دەستەڵاتا بنەمالا [ئەسدی] بدوماهی هات، ئەڤە [سوریا ئەسەدی] نەما…سوریا بەرەڤ قوناغەک و تونێلەک نەدیار دێ چیت و هێشتا تشتەک وەسا ژ پاشەڕۆژێ یێ دیار نینە و بوچوون و دیتنێن جودا جودا هەنە و هەر ئێک بڕەنگەکی ل قەلەم دەت و ئەز ژی وەختێ لێ دنێڕم و بەرێخوەدەم ڕەوشێ و دەڤەرێ، هندەک دیتن و بوچوونێن جودا بومن چێدبن، ئەز دشێم بڤی ڕەنگی و دچەند خالەکا دا دیارکەم، کانێ دی کی سودبەخش بیت و کی زیان بەخش بیت دڤێ ڕویدانا مەزن و دیروکی دا و سیناریویێن چاڤڕێکری چنە؟
-بدیتنا من..ئەڤ گوهڕینا مێژوویی، هەڵبەت ب بەڕنامە و پلان بو هاتینە دانان، ژلایێ وەڵاتێن زڵهێزڤە و ئەڤ وەڵاتە وێ دەلیڤێ نادەن، گوهڕینەک هوسا مەزن بهێت ڕۆیدان، گەر د بەڕژەوەندی و پلانێن وانێن پاشەڕۆژێ دا نەبیت، لەوا ژی ئەز ڤان گوهڕین و بەڕناما هۆسا دبینم، کو وەڵات و هێزێن سودبەخش دێ ئەڤەبن:
1-ئەمریکا، ئێسڕائیل،لبنان، تورکیا، عێڕاق، هێزێن ئوپوزسیونێن سوریێ و تایبەت کورد ل ڕۆژئاڤایێ کوردستانێ و کوچبەرێن سوری و زیندانیێن سوری.
لێ…وەڵات و هێزێن زیان بەخش دێ ئەڤەبن:
1-ئێران، ڕوسیا، ڕژێما سوریێ، هێزێن شیعی، حزب اللە لبنانی و عێراقی.
دیسان پاشەڕۆژێ دا ژی، چەند سیناریویەک دهێن چاڤڕێکرن:
1-سوریایەک ئێکگرتی و تا ڕادەکی دیموکراتی تێدا هەبیت و هەمییا مافێ خوە هەبیت.
2-چاڤەڕێکرنا شەڕەک ناڤخوەیی دناڤبەرا ڤان گوڕۆپێن چەکدار و دەستهەلاتدار و هێزێن کوردی ژی بخوەڤە بگریت.
3-پارچەبوونا سوریێ بو چەند وەڵاتا یان ئەقلیما وەکی ئەزمونا عێراقێ.
4-چاڤەڕێ کرنا وەڵاتەک و ڕژێمەک ئیسلامی وەکی ئێرانێ لێ [سنە مەزهەب] و سوریایەک نەیا جێگیر.
-ئەڤە ب کوڕتی وەک دیتەنەک و پێشبینیێن منن، لێ هەلبەت هەر وەڵاتەک و هێزەکێ ژی، سودو و زیانێن جودا جودا و یێن دەمی یان دەم درێژ خایەن ژی هەنە!
دیسان وەکە هەرجار دبێژم، هەر تشتەک نەچاڤەڕێکری ژی دبیت بهێت ڕویدان و مەیدانێ، لڤان وەڵاتێن پاشڤەمای، ژبەرکو چارەنڤێسا وان نە دەستێ خەلکێ وان وەڵاتان بخوەدایە و لسەر بەڕژەوەندیێن وەڵاتێن زڵهێز دمینیت و گونجاندنا وان دگەل ڕەوشێ و دەڤەرێ
