ئارام دهۆکی – کەنەدا
هەر چەندە ڕۆژهەلاتا ناڤین هەر ژ کەڤندا جهێ گوهۆرینا دەستەلاتا بوویە و هەموو ژی بتندوتیژی یان ب شەر و زۆریێ. ژ بەر سروشتێ جوگرافی و ستراتیژی و زەنگینییا دەڤەرێ هەردەم خەلکی دنیایێ بگشتی چاڤ لسەر هەبووینە. لێ ل دیروکا نێزیک یا کو د سەد سالێن چوویدا ئەڤ چاڤ لسەریە زێدەبووینە و بەردەوام ئەجاندیێن دەرکی بۆ ڤێ دەڤەرێ هەبووینە و بشێوەیەک نە مافپەروەرانە ئەڤ دەڤەرە ل دیماهیا شەرێ جیهانی یێ ئێکێ و ئەڤ دەڤەرە بزۆرە ملێ سنوور بۆ مللەتێن ڤێ دەڤەرێ داناینە و ژ هینگێ وەرە پتر ئالوزی کەتینە دڤێ ناوچەیا پری مللەتێن جدا جدا و ئاینێن جدا جدا. لەوان ژی هەر چەند سالان جارەکێ شەرێن دژوار چێدبن و هنەک ژ وان بەردوام هەبووینە بدرێژیا چەرخێ چووی مینا کیشا فەلەستینێ و کیشا کوردان ئەڤە ژبلی نە ئارامیا بەردەواما حکومەتێن عێراقێ و تورکیا و ئێرانێ و سووریێ. پرس ئەو ئەڤ پێلێن ڤان سالان چێبووین پشتی ١١/٩ چێبووین و هەتا نهو دبەردەوامن وێ بەرەف کیڤە بچن.!
دیارە بەرسڤدانا ڤێ پرسێ نە گەلەک یا بساناهیتە ژ بەر کوما دەستێن ناڤخۆی و دەرەکی یێن دەڤەرێ و دەرەکی پرن تێدا. لێ گەر ل دیرۆکا نیزیکا ڤێ دەڤەرێ بنێرین، دێ هێت دیتن کو ئەڤ وەلاتە ژ دابەشبوونا سەد سالێن جوویدا چەندین بیروکێن ئایدلوژی و سیاسی هاتینە چەسپاندن و هەموویان ژی سەرنەگرتیە کو بەرەدوام گرژیا نە هێلن ناڤ وی ولاتی ئەڤجا بگرە ژ دامەزراندنا مەلک و کودەتایێن لەشکەری و ئایدلوژیێن حزبی و سیستەمێن مەزهەبی و….هتد. ئێک ژ نە ئارامیا ڤان وەلاتان نە بوونا سیستەمەک قەبولکرنا هەڤدو یێن رەگەزی و گرۆپی یێن جدا بۆ نموونە نە قەبولکرنا تۆرکان بۆ کوردان یان سونیا بۆ شیعا یان جوهیا و فەلەستینیا یان عەرەبان و هەموو پێکهاتێن دی یێن جدا جدا ژ بەر کو لێکڤەکرنا دەڤەرێ لسەر بنیاتەک دروست وەکو خودانێت ئاخێ نە هاتیە پارڤە کرن. ژ بەر ڤان ئەگەران نە ئارامیا بەردەوام ددەڤەرێدا یا بەردەوامە ئەڤە ژ بلی کو دونیا نووکە یا بوویە دونیایەکا کولومل ئابووری و بەرژەوەندیا ولاتان و کومپانیێن زەبەلاح، د رۆژەڤا ئەڤرۆدا ئازاد بوون و دیموکراسیەت و ئایدولیژێن جدا جدا بووینە وەرقەکا بهێز بۆ بدەستڤەئانینا بەرژوەندیان لەوان ل کیرێ بڤێ وێ ئاگری لوی جهێ گەرمکەن بەردەنێ و دا کو مەرەمێن نخافتی پێ بێن جهئینان. وەکو دیار هەموو ئالی گەهشتینە وێ قەناعەتێ کو ئەڤە مللەت و بیروکێن ئاینی و رەگەزی د ڤێت هەموویان مافێ خۆ د وان وەلاتاندا هەبە بپراتیک ئەگینا خستنا زۆرە ملیا جارا جهێ خۆ نینە و شەر و پێکدادان وێ بەردەوام بن. شەرێن نووکە ژی ل کودەرا جیهانێ شەر هەبە دونیا هەمی زیانا وێ ددە هەر چ نە بە ژ ئالیێ ئابووریێ ڤە، بۆ نموونە ئەڤە شەرێ روسیا و ئوکرانیا یان شەرێ غەززە و جوهیا چێبی خۆ کەنەدا و ئوسترالیا یێ باجا وێ دەن کو چەند ژێ دیرن و هەتا رادەیەکێ نە تێنە و نە ژینە ژی. لسەر ڤێ هاوکێشێ نە دونیا دەرەکی سوودێ گەلەک ژ شەران دبینە مەگەر کومپانیێن هێما پرسێ لسەر ئەگینا مینا ولات زەرەر مەندن و هەروەسان بەردەوامیا نەبوونا ئاشتی و ئارامی و زێدەبوونا تیکچوونا بارێ ئابووری یێ مللەتێن دەڤەرێ بێهنا وان ئانیە سەرێ دفنا ئەوان.
ژ بەر ڤان ئەگەرێن سەری دبیت هەموو لایەن ئەڤرو د وێ باوەرێدابن کو هەر مللەتەک و گرۆپەک بگەهە مافێن خۆ ێن بنەرەتی مینا هەبوونا دەولەتا خۆ یان ژی د دەولەتەکێدا بن کو مافێن وان تێدا بەرقرابن و ئەو بخۆ وەکو دەڤەرەکا فیدرال حکوومی ل خۆ بکەن، ئەگەر چارەک وەسان نە هێتە بیاڤا رۆژهەلاتا ناڤین وەسان خۆ یا دبیت کو ئەڤ دەڤەرە بەردەوام د ناکووکیا و ئالوزیێن هەمە جووردا بمینە و سەر گێژیا وان بەردەوام سەرگێژیا بۆ تەماما جیهانێ دروستکەت و جیهان بەردەوام د ئالوزیێن جدایێ و ئابوورەک هەژاردا بژیت.
