سەیفوللا موحەمەد / زاخۆ
خەیالا گاڤ و دەمان
ڕو گەشـــــا وەک شـــــەمالا
ب وان نیشــــــــان و خـــالا
ئەز خســــتمە خـــــــــــەیالا
خـــەیالێـــن گـــــاڤ و دەما
دێم هەیڤا چـواردە شــەڤی
سـینگ مێرگ و باغ و زەڤی
زەند ســـپی بەفــر و کـەڤی
بەژن ســــپیـندارا چــــــەما
کەزی و بســــکێن نێـــرگزی
پوڕ و پەرچـــــەم هــــەلـزی
دلـــێ مــــــن ژ مــــــن دزی
ڕح بر و قالـــــــب ڤـــــــەما
دەما خـوە ژمن دور دکـــت
دل کـەرکـەر و هــور دکــت
بریـــــنان پڕ کـــــور دکـــت
دامــــــــای د بم ژ خـــــەما
پەری ناز و خـــــــــاتیــــنە
ب ڕومــــــەت و شـــــرینە
لـــــەوا دل بۆ ب ڤیـــــــنە
بوویین وەک زین و مــەما
ئەو زیــنە و ئەز مــەمێ مە
هــــەردەم دلـــدارێ وێ مە
ژ مێــــــژە ل بەنــــــدێ مە
ئێــــــدی هــەدار مــن نەم
٢٠٢٣/٨/٦
