شێــرۆکی
ساقی
تێکــــە ســاقــی ژ مـەیـــا نـاب چڕەک دی
نە یێ مەستم من هێش یێ مای بڕەک دی
دل خومـــارم دا ڤـــەخــۆم ئــەز فڕەک دی
ژ غەیـری تــــە مـــن نینە غـــەم کڕەک دی
یــا بــن بـــەڕێ ب ســەر دادە بـــەڕەک دی
من ژی دانێ وەک هەر کۆرە و کــەڕەک دی
وەرە لـــێـــــدە ل دەوری مـــن فـەڕەک دی
مـا جــەڕەک مــەی چیــە بیـنە جەڕەک دی
قـەدەهـا مـن وەرە پــڕ کــە هــــەلـــەک دی
دا نـەکەت دل هـەوەسـا غـەل غــەلـەک دی
دێ ژ دەست دەم دەرفــەتا ئـــەوەلــەک دی
گــەر بکــەڤمـــە دنـاڤ بــەنــد و تەلەک دی
تـوو دێمێ خۆ نـــــەزڤڕینــە قـــامــەک دی
ل دلـێ مـــن زێـدە نــــەکــــە زامـــەک دی
ســاقیـیــا تێکـــە ژ بـــۆ مـــن جـامـەک دی
ب دەستێ تە مـەیێ یا هــەی تـامـــەک دی
دێ سەر کێشـم ئـەڤـێ پێکـێ و پێکەک دی
ئێک ل دیف ئێک توو هەر پڕ کە ئێکەک دی
ژ ڤــــێ ڕێکــــــێ بـــدەر نینــە ڕێکـەک دی
دا نـــەدەم دەم ل تـــوعــمــەیا نێکـەک دی
21/11/2024
