عەبا ڕەش

زوھێر کۆرەمارکی

عەبا ڕەش

ھێ خانمێ ئەو چ عه‌بايێ ڕه‌شه‌

ته‌ ل بەژن و باڵا خۆکری ؟

چ کەلتۆرە ، تە داب و نەریتێن مە

پێ بەرزە كرین ؟

(حسن )و جه‌مالا خۆ ژی تە دبندا ھنداکری

دێمێ تە بەفرە رەنگێ تە چیا

کەڤنارو رەسەنی خانما میدیا

ما تۆ نزانى …!!

د بن وی عەبای ڤە

دايك و خوشكێن تە یێن كرينه‌ جارى

ئه‌مێن هێلاينە چاڤەرێ و ته‌نگه‌زارى

ئه‌شكێن چاڤێن مە

يێن بووينه‌ کانی و رویبارێن وارى

چ نەمایە د بنڤە دگەل مە نەکری ؟

تۆ بخۆدێکە ئه‌ز گۆری تە ل خۆ نه‌كه‌ !

چه‌ند تۆ ل بەژنا خۆ دکەی ؟

وێنێ به‌رزه‌بوويه‌كى شەھیدەکی

دهێته‌ پێش چاڤێن من

ياخا من دگريت و د که‌ته‌ قێڕى

بێژيته‌ من بێژێ

ب هاڤێژه‌ وى عه‌بايێ دێهلا گۆڕی

ژ بەژن و رەنگێ تە ناھێت

ما تۆ نزانی خودێ ..

تۆ و به‌ژن و باڵاتە

بەس بۆ کراس و کورتەکێن کوردی یا چێکری

ئەرێ چێکری ؟