بەری چل وپێنج سالا وەختێ پێشمەرگە دهاتیە گوندێ مە، ئەز زاڕۆک بم ، من گەلەک کەیف ب پێشمەرگەیی دهات وەکو هەر زاڕۆکەکێ دی یێ گوندی، باش بیرا من دهێتن پرسیار ئەڤە بوو: مامۆ کوردینی دێ کەنگی چێبیت؟ بەرسڤ ژی بڤی رەنگی بوو: هەتا دبیتە وەرزێ بوهارێ ، هینگێ پەیڤا کوردینی یا بەربەلاڤ بوو ، مە ژی باوەر دکر ژ بەرکو، ژییێ مە یێ بچووک بوو ئەم ژی ل هیڤییا بوهارێ د مایین و پاشی ئەڤ بوهارە بوو ڕاستی، هەتا کو سالا (١٩٩١)ێ خەلکێ کوردستانێ بێ جۆداهی، دژی داگیرکەرێن کوردستانێ سەرهلدان کری وب ئۆمێدا هندێ ئەڤ دەردەسەری ونەخوەشیێن ب سەرێ مللەتێ کورد هاتن ژ ئەنفال و جینۆسایدو دەربەدەرییێ و زۆردارییێ ڕزگار ببن و هەست ب هەبوونا خوە بکەن، ب هەموو کیماسێین خوە ڤە ئەم ئازادبووین ، هەر تاکەکێ کورد هەست پێکر چەند ئازادی یا خوەشە وهەر چەندە ژیان گەلەک یا بزەحمەت بوو ، لێ خەلک هەموو ب وی کاودانی د رازیبوون ژیانا هەمییا وەکو ئێکبوو، بێ جۆداهی ژیانەک سادە، لێ ب باوەریەک موکم هەست ب هەبوونا خوە دکر، وەکو کورد ئەڤ کاودانە بەردەوام بوون.
بۆچی گەهشتە ئەڤێ قۆناغێ؟
ناجح بێجانی
سەر ئاستێ جیهانێ ژی پەیوەندیێن مە کوردان وەکو دەولەتەکێ بوون، هەتا کو سالا (٢٠٠٣ ) ێ ب ئێکجاری ڕژیما بەغدا ژ ناڤ چووی، ئەڤە ژی دەلیڤەک زێڕین بوو هاتییە پێش، ب تایبەتی بۆ کوردان و دڤییابا سەرەدەریەک باشتر هاتبا کرن و مفا ژێ کاودانا وەرگرتبان ، ئەڤە ژی هەر دەستپێکا بوهارێ بوو وی وەختی تاکە هێز بشێتن ئیراقێ ب پارێزت هێزا پێشمەرگەی بوو و هەتا ڕادەیەکێ ئەڤە کر ، لێ بمخابنڤە، ژ بەر ناکوکێن ناڤخوەیی و دژی هەڤدوو دیسان گەلەک گڕنگی پێ نەهاتە دان و ڕۆژ بۆ ڕۆژێ مە سەنگا هێزێ ژ دەست دا ل ئیراقێ، ئەم گەلەک ب ساناهی ژ دۆژمنێن خوە باوەر دکەین ئەڤە ژی خالەکا لاوازییا مەیە ، هەر وەختێ ئەم بهێز دۆژمنێن مە وەکو برانە دگەل مە و دەمێ ئەو بهێز دبن ، ڤێجا غڕۆر دبن تەپکا بۆ مە دکولن و پیلاناگێرن دژی مە و هەتا ڤێ گاڤێ ژی بەردەوامن هیچ جارەکێ دلۆڤانی ب مە نەبرییە، هەر گاڤەکا دەلیڤە بوو چێبووی دربێ خوە یێ وەشاندی و دڤییا مە سەربۆر ژێ وەرگرتبان!
هەتا کەنگی ئەم دێ خوەش باوەر بن ، ئەرێ بڕاستی ژی ئەم کورد ب کێر حکومرانییێ نایێین؟ وەکو دۆژمنێن مە ئاماژەدایی، یانژی ئەم بخوە ئەگەرین؟
دەمێ مرۆڤ شاشیەکێ دکەت دڤییا دوبارە نەکەت، بۆچی ئەم سەربۆرا ژێ وەرناگرین و دوبارە دبن ؟
ئەرێ وەخت نەهاتییە ئەم دۆژمنێن خوە بناسین و پێداچوونەکێ ل خوە بکن ؟ بۆچی ئەم گەهشتینە ڤێ قۆناغێ و ژ بەرچی؟ باشە ما ئەم نە هەر ئەو کەسێن ێین ب سەرهلدانێ ڕابووین؟
پێخەمەتی سەربخوە و ئازادبین ..،ئەرێ هەستی نەتەوەیی نوکە ل چ قوناغە و چاویە؟
بلا هەر کەسەک ژ مە پسیاراخوە بکت و بەرسڤ یا دیارە، ئەگەر چیبوون چ بسەرێ مە هات!!
ژ دروشمێن دەولەتبوونێ و کوردستانەکا سەربخوو ،ئەڤرۆکە چاڤ وگوهێن هەر کەسەکی ل سەر هندێ بن کا بەغدا دێ کەنگی پارا فڕێکە؟ ئەڤە ژ سادەترین مافێ خەلکێ کوردستانیێ یە، ئەرێ ما خەبات وتێکوشن وقوربانییا گەلێ کورد بۆ هندێ بوو کو دۆژمنێن مە بڕیارا ل سەر مە بسەپینین ، ب دەهان بڕیارێن دۆژمنکارانە ب ناڤێ دادگەها فیدرال، دژی خەلکێ کوردستانێ بدەن ، یا ژ هەمیان کەمباختر نەهێلانا ئەو پێکڤە ژیانا ئاشتییانەبوو ، بۆ وان ئۆل ونەتەوەیێن جودا ل کوردستانێ دژین، ئەڤە دەستپێکەکا مەترسیدارە و هێشتا پێنگاڤێین دویڤڕا، ب بۆچوونا من دێ هەریمێ بچووکتر کەن، ئەگەر هۆسا بۆ بچیتە سەری ، ئەم ژی بێ دەنگێن نوزانم چاڤەڕێیێ چ بن هەر دێ بێژن: ئێکڕێزییا کوردا هەبوونا سەرکەفتنا مەیە و لێ دیسان بمخابنڤە ئەگەر ئێک بێژیت، کورد دێ بنە ئێک، ئەڤە ژ موستحیلاتانە خودێ کوردستانا مە بپاڕێزت.
