Havîn Acar
Li welatê min
Kesera dilê min, kirasê reftarîya spêdeyan diçirîne
ji te dur ey welat
dukêlek zengarî şîn girêdide
li ser çirayên vemirî
porê sosin û beybûnan zerqemitî
êdî ji henasa xwe dûr û matmayî
li ser singê te ya birîndar
baweşînka êvara xopan
dergûşa nalineke zîz dihejîne
li ezmana sitêrk bêdeng
bıi hemû dewlemendîya xwe ve
mîna pelên darê di destê bayî de melkemotê êş û janan
her diçe kanîya dilê min û te
zuwa dike
şabûneka nenas bêhneka beravêtî
di pala çîyayên te de
her wekû zincîra evînê girêbide
zenda te dibe kemberbesta
navtenga min
hêvî û umîd li ser dêmê rojê
bi kefenê reş hatîye pêçan
buhar bêreng bêtam zayîn û mirin dikevin pey hev û eşkere dikin
nebûna roj û ronahîyê li welatê min…
