سلاڤ و رێز:
هەلبەستڤانێن هێژا
ئەندام و هەڤکارێن جڤاتێ
خاندەڤانێن دلۆڤان و بەڕیز
جڤاتا وە (جڤاتا هەلبەستڤانان) وە ئاگەهداردکەت، پێخەمەت پتر خزمەتا وە و ئەدەبێ کوردی ب گشتی و وەرارا جڤاتا هەلبەستڤانان مە (ل دویڤ پێشنیارا ڕێڤەبەرێن گوڤارا پێنگاڤ بۆ ب هەڤڕا کارکرن) ب گۆڤارا (پێنگاڤ) یا ل کەنەدا ژ لایێ چەند ڕەوشەنبیرێن خودان شیان ڤە دەردکەڤیت تێکەلی دانین و لهەڤکرنەک کر.
د ڤێ هەڤکرنێ دا جڤاتا هەلبەستڤان و دەستەکا ڕیڤەبەرا گوڤارا پێنگاڤ ل سەر هندەک خالان لهەڤکر ئەڤ هندەک ژ وانن:
١. هایا مە ژ چالاکیێن هەڤ هەبیت و بیر و رایان بۆ خزمەتا پێشبەبرنا بزاڤا نەتەوی و ڕەوشەنبیری لێک بگهورین و فایدەی ژ ڕەخنە و دید و بوچوونێن هەڤدو بگرین.
٢. مفا ژ شیانێن هەڤ و هەڤکار و ئەندامێن (جڤات و پێنگاڤێ) وەرگرین و بێخینە د خزمەتا ئەدەبێ کوردی دا.
٣. ئەم وەك (جڤات و پەیامنێرا پێنگاڤێ) ل ئەلمانیا رێککەفتین کو دەست ب هندەک بزاڤ و چالاکیان بکەین …
ئەم ژ لایێ خوەڤە وەک (جڤاتا هەلبەستڤانان)، هەڤکار و ئەندام و خاندەڤانێن خوە ئاگەهداردکەین کو دەستێ هاریکاریێ بۆ (پێنگاڤێ) درێژکەن و داخازێن وان بجهبینن…
ژ سەرپەرشتێن (پێنگاڤێ) ژی دخازین، د رێکا سەرپەرشتێن جڤاتێ را، داخازیێن خوە بگهینن و خودانێن سۆزێن خوەبن …
خودێ پشتەڤانێ مە تەڤا بیت و ژ بۆ خزمەتا گشتی و وەرارا ڕەوشەنبیری و ئەدەبی …. مە ل هەڤ کۆمکەت و تفاق و دلۆڤانی و ئێکگرتن و زباران د ناڤ مەدا زێدەکەت …
بۆ زانین: هەڤکارییا جڤاتێ ل گەل ڕادییویا ئاشتی ل سویدێ پێنگاڤەک باش بوو هەڤکارێن مە و ڕادیوویا جڤاتێ فایدەک باش ژێ دیت و هویڤیدکەن ئەڤ بزاڤە ژی ئارمانجا خوە بهنگێڤیت..
جڤاتا هەلبەستڤانان
٢٢ .١١. ٢٠٢٤
پەیاما چڤاتا هەلبەستڤانان گرۆپێ دەستەکا پێنگاڤ گەلەك بسەنگ و بنرخ ل قەلەم ددەت. مە د خواست ئەڤ پەیامە بەربلاڤتر وەرە دیتن لەوان مە ب فەر زانی کو د مالپەرێ گۆڤارا پێگاڤدا بێت وەشاندن.
گوپێ دەستەکا گۆڤارا پێنگاڤ
٢٢/١١/٢٠٢٤
