پێنگاڤ
فدراسیۆنا فوتبۆلا كوردستانێ ئێكه‌م كۆمبوونا خوه یا ئاسایی پشتى ده‌ستپێكرنا وه‌رزێ نوو یا خولا نایاب سازكر، ئه‌وا ب چه‌ندین ڕێنما و ڕاسپارده هاتینه ده‌ركرن، ژ گرنگترین خالێن كۆمبوونێ پشته‌ڤانییا خوه بۆ دادڤانێن یارییا دیاركرن دگه‌ل داكۆكی ل هه‌ر مافه‌كێ یاریزانى هه‌بیت بۆ بكه‌ن.
ئازاد محه‌مه‌د ئه‌ندامێ فدراسیۆنا فوتبۆلا كوردستانێ بۆ گۆڤارا (پێنگاڤ) دیار كر ب ته‌مامه‌تى مه پشته‌ڤانییا خوه بۆ هه‌موو دادڤانان دوپاتكریه و ناهێلێن چو گڤاشتن یان گه‌ڤ ل سه‌ر هه‌بن، له‌وما ژى هه‌ر ئه‌ندامه‌كێ كارگێرییا یانه‌كێ، یا سه‌رپه‌رشتیار، راهێنه‌ر، ده‌سته‌كا ڕاهێنه‌ران، یاریزان، یان هه‌ركه‌سه‌كێ په‌یوه‌ندی ب یانه‌كێ هه‌بیت یان په‌یچه‌كێ یانه‌كێ بیت هێرش بكه‌ته ل سه‌ر دادڤانان و ب خرابی به‌حس بكه‌ت ئه‌و لایه‌نه دێ تووشى سزایێ بن، هه‌كه خه‌له‌تیه‌ك هه‌بیت یانه‌یێ مافێ هه‌یی ب نڤێساره‌كا فه‌رمى سكالا خوه پێشكێشی مه بكه‌ت و مه لژنه‌یا تایبه‌تمه‌ند هه‌یه بۆ دۆڤچوونا بابه‌تى.
ژ لایه‌كێ دوى ڤه ناڤهاتى گۆت: بۆ پاراستنا مافێ یاریزانان، ده‌رگه‌هـ بۆ هه‌موو یاریزانان ڤه‌كرییه و د ئازادن كو په‌ره‌ی گرێبه‌ستا خوه بینیته فدراسیۆنا فوتبۆلا كوردستانێ ب مه‌ره‌ما په‌سه‌ندكرنێ د به‌رانبه‌ر دا رێژه‌یا 5% كۆژمه‌یێ گرێبه‌ستێ دێ بۆ فدراسیۆنێ بیت پێخه‌مه‌ت داكۆكی ل مافێ وی ل دووڤ به‌ندێن گرێبه‌ستێ بهێته كرن و ئه‌و یاریزانێ گرێبه‌ستا خوه ل ده‌ڤ مه ئیمزا نه‌كه‌ت ئه‌م داكۆكیێ ل مافێن وان ناكه‌ین.
