پێنگاڤ
بۆ جارا ١٢ یه پشكداری د ماراسۆنا نێڤده‌وله‌تی یا یۆنانستانێ دا دكه‌ت، به‌زۆكێ یۆناستانی بلۆتارخۆس بۆرلیاكاس كو ژیێ وی 88 سالن ، وه‌كو ئێك ژ وه‌رزشڤانێن دێرین یێن یارییا غاردانێ ل سه‌ر ئاستێ وه‌لاتێ خوه هاتییه هژمارتن.
ل نیڤا مه‌ها چرییا دویێ یا ئه‌ڤ ساله ب پشكدارییا سه‌ده‌ها یاریزانێن غاردانێ ل سه‌ر ئاستێ جیهانێ به‌زۆكێ یۆنانستانی بلۆتار خۆسێ بۆرلیاكاس یێ ٨٨ سالی پشكداری د ماراسۆنا نێڤده‌وله‌تی دا كر و شییا بێ ڕاوه‌ستیان بۆ ماوه‌یێ شه‌ش سعه‌ت و ٣١ خوله‌كان غاردانێ بكه‌ت كو ١٨ خۆله‌كان كێمتر ژ سالا بۆری بوویه كو ببیته یاریزانێ ئێكێ د چارچووڤه‌یێ قاره‌مانیێ دا و ئه‌و ل ژیێ ل سه‌ر ٦٠ سالی دا.
ڤی پیره‌مێری بۆ رۆژنامه‌ڤانان خۆیاركر كو: پێخوه‌شحالم و سۆپاسیا خودێ دكه‌م هه‌تا نوكه ساخله‌میا من یا باشه و شیایمه دیرۆكێ بنڤێسم وه‌كو مه‌زنترین یاریزان د غاردانا نێڤده‌وله‌تی دا و گه‌هشتمه خالا دووماهیێ، ئه‌ز هه‌ست پێ دكه‌م ژ ٨٨ سالیێ دا كێمترم و ئه‌ڤه بۆ جارا ١٢ یه پشكداربم كو درێژاهییا وێ دگه‌هیته ٤٢ كم، هه‌ر ژ گۆرستانا ماراسۆن هه‌تا ستادیۆما باناسیناك غار دده‌م.
هه‌روسان گۆت: دبیت هه‌بن باوه‌ر نه‌كه‌ن د ژیه‌كێ مه‌زن دا ئه‌ڤێ درێژاهییا غاردانێ بكه‌من، بۆچی باوه‌رناكه‌ن، ئه‌م هه‌می دشێن، نموونه رۆژانه وه‌رزشێ بكه دناڤبه‌را چار بۆ پێنج كیلۆمه‌تران دێ له‌شێ ته فێربیت و بۆ ته‌ندرۆستیا ته باشه، دیسان خارنێن خراب نه خوه و نه ڤه‌خوه، ده‌مێن خه‌وێ دروست بكه‌ی، له‌ش دێ شێوازێ خوه ب ته‌ندرۆستی گوهۆڕیت.
